Праграма эстафетнай гонкі ўключала тры класічныя дысцыпліны: плаванне на адкрытай вадзе (дыстанцыя 750 м), велагонку па шашэйнай трасе (20 км) і кросавы бег (5 км). На працягу ўсіх этапаў Купалаўская каманда дэманстравала высокі ўзровень падрыхтоўкі, вытрымку і зладжанасць дзеянняў.

На першым этапе (плаванне) стартаваў студэнт Мікіта Коўшык. Спартсмен паспяхова пераадолеў 750-метровую дыстанцыю ў адкрытай вадзе і фінішаваў другім. Ён забяспечыў камандзе дастойны стартавы задзел перад наступным відам праграмы.

На велаэтапе эстафету прыняў Аляксандр Сак. Дваццацікіламетровы адрэзак ён прайшоў максімальна сканцэнтравана і прадэманстраваў граматнае размеркаванне сіл на трасе. Дзякуючы гэтаму ён практычна поўнасцю ліквідаваў адставанне ад сапернікаў, якія займалі лідзіруючыя пазіцыі.

Заключны бегавы этап стаў рашаючым у барацьбе за першае месца. На фінішную прамую выйшаў Арцём Чамбровіч. Спартсмен здзейсніў дзейсны рывок і з вялікім адрывам перасёк фінішную рысу. Гэта перамога прынесла камандзе ГрДУ імя Янкі Купалы першае месца.

Золата Свяцкага трыятлона – дастойны вынік калектыўных намаганняў і прафесійнага майстэрства спартсменаў факультэта фізічнай культуры.

Віншуем Купалаўцаў з заслужанай перамогай і жадаем новых спартыўных здзяйсненняў!