Паспяхова прайшоўшы завочныя этапы, купалаўцы – студэнтка другога курса факультэта гісторыі, камунікацыі і турызму Ксенія Марчык і студэнт другога курса ваеннага факультэта Максім Сяўрук – выйшлі ў фінал, каб пазмагацца за перамогу ў дзвюх намінацыях. У намінацыі «Лепшае эсэ» ўдзельнікі прадставілі свае разважанні на тэму «Абарона радзімы і ёсць абарона сваёй годнасці». У намінацыі «Лепшы відэакліп» ім трэба было выступіць у конкурсе мультымедыйных прэзентацый «Жывы летапіс вайны», прысвечаным увекавечанню памяці загінуўшых герояў.

Праграма форуму сёлета мела асаблівую значнасць, бо была прымеркавана да 85-годдзя з дня пачатку Вялікай Айчыннай вайны. На працягу чатырох дзён усе прысутныя не толькі вочна абаранялі свае праекты перад журы, але і прынялі ўдзел у азнаямленчым квэсты. Таксама хлопцы прайшлі экскурсійны квэст па тэрыторыі крэпасці, наведалі музей «Алея памяці» пад адкрытым небам, убачылі маштабную ваенна-гістарычную рэканструкцыю «Апошні мірны дзень» і ўрачысты марш рэканструктараў па вуліцах горада. Акрамя таго, гасцей чакалі душэўны вечар ваеннай паэзіі, бардаўскай песні і кінапаказ пад адкрытым небам.

Арганізатарам форуму выступіў Брэсцкі дзяржаўны тэхнічны ўніверсітэт пры падтрымцы Міністэрства адукацыі Рэспублікі Беларусь і Брэсцкага гарвыканкама.