Сярод удзельнікаў – студэнт 3 курса юрыдычнага факультэта Купалаўскага ўніверсітэта Лаўрэнцій Місуна.

Галоўная мэта праекта - сфарміраваць у моладзі прававую культуру і канстытуцыйную правасвядомасць, паважлівыя адносіны да Асноўнага Закона, а таксама выхаваць пачуццё патрыятызму, грамадзянскасці і адказнасці маладога пакалення за сучаснасць і будучыню краіны. У час заняткаў удзельнікі атрымалі шырокія веды аб уладкаванні грамадства і дзяржавы, аб фундаментальных прынцыпах і нормах Канстытуцыі Рэспублікі Беларусь, канстытуцыйных каштоўнасцях і важнейшых арыенцірах дзяржаўнай палітыкі.

Старшыня Канстытуцыйнага Суда Сяргей Сівец адзначыў важнасць гэтага праекта для развіцця моладзі:

- У найбліжэйшы час многім з гэтых рабят трэба непасрэдна ўдзельнічаць у кіраванні справамі грамадства і дзяржавы, несці адказнасць за эвалюцыйнае і бяспечнае развіццё нашай краіны. Глыбокае пагружэнне ў асновы канстытуцыяналізму, вывучэнне асноўных інстытутаў, канстытуцыйнага права - усё гэта надасць пэўны ўзровень дачынення да развіцця нашай краіны.

Тэмай уступнага занятку стала "Канстытуцыя Рэспублікі Беларусь - прававая аснова законнасці і правапарадку". У фармаце жывога дыялогу ўдзельнікі абмеркавалі перспектывы і напрамкі прававой рэгламентацыі выкарыстання тэхналогій штучнага інтэлекту, магчымасці рэалізацыі пятага пакалення правоў чалавека, супрацьстаянне выклікам і пагрозам, звязаным з імклівым развіццём інфармацыйных тэхналогій, а таксама пытанні выканання канстытуцыйнага абавязку.

Дзелячыся ўражаннямі, Лаўрэнцій Місуна падкрэсліў важнасць ведаў і разумення Асноўнага Закона дзяржавы:

- Канстытуцыя - Асноўны Закон дзяржавы, які мае вышэйшую юрыдычную сілу і прамое дзеянне. Для мяне як будучага юрыста важна разумець, як Канстытуцыя ўплывае на нашае жыццё, на жыццё нашай дзяржавы, на палітыку, эканоміку і ўсе сферы дзейнасці.

Кожны занятак будзе доўжыцца дзве гадзіны. Іх плануюць праводзіць некалькі разоў у год, прычым змест урокаў будзе залежаць ад пажаданняў і інтарэсаў удзельнікаў школы.