25 мая ў Гродне адкрыецца выстава-конкурс дзіцячага малюнка "Усе фарбы жыцця для цябе…". Мерапрыемства пройдзе з мэтай падтрымкі таленавітых дзяцей і стварэння ўмоў для іх творчага, інтэлектуальнага развіцця. Яно накіравана на рэалізацыю мерапрыемстваў універсітэта, якія праводзяцца ў Год беларускай жанчыны, і будзе прымеркавана да Дня аховы дзяцей.

Арганізатарам выставы-конкурсу з'яўляецца кафедра выяўленчага мастацтва факультэта мастацтваў і дызайну Гродзенскага дзяржаўнага ўніверсітэта імя Янкі Купалы, а адказным за арганізацыю і правядзенне мерапрыемства - старшы выкладчык кафедры выяўленчага мастацтва Ала Каляга.

Экспазіцыя аб'яднае 37 лепшых работ навучэнцаў ва ўзросце ад 7 да 12 гадоў з гімназіі нумар 5 імя В.С. Караткевіча г. Гродна і сярэдняй школы № 16 імя А. Сухамбаева г. Гродна. Юныя мастакі прадставяць працы ў розных тэхніках: акварэль, гуаш, каляровыя алоўкі, змешаная тэхніка, выкананыя пад кіраўніцтвам педагогаў.

У склад журы выставы-конкурсу ўвойдуць студэнты другога курса спецыяльнасці «Мастацкая адукацыя»: Анастасія Бакуменка, Марыя Бекета, Анастасія Бірыла, Анастасія Багданоўская, Паліна Бадрова, Яна Вакуліч, Ксенія Гарацкевіч, Марыя Грывіцкая, Вераніка Кабак, Ганна Ласько, Марыя Маркеева, Мілана Маргачова, Дыяна Аўсейчык, Вікторыя Мармыш, Марыя Пракопчык і Ангеліна Шапавал.

Мерапрыемства адбудзецца па адрасе: вул. Дзяржынскага, 28 у 12:00.