Прайсці навучанне па праграмах прафесійнай перападрыхтоўкі запрашаюцца кіраўнікі і спецыялісты з вышэйшай адукацыяй, а таксама студэнты двух апошніх курсаў вочнай формы навучання.З 8 верасня пачнецца навучанне па спецыяльнасцях «Лагістыка» (тэрмін навучання – 18 месяцаў), «Маркетынг» (тэрмін навучання – 18 месяцаў), «Псіхалагічнае суправаджэнне педагагічнай дзейнасці» (тэрмін навучання – 24 месяцы), «Псіхалогія кіравання» (тэрмін навучання – 24 месяцы).
З 6 кастрычніка пачнецца навучанне па спецыяльнасці «Перакладчыцкая дзейнасць (з указаннем мовы)» з атрыманнем кваліфікацыі перакладчыка (тэрмін навучання – 16 месяцаў).
Таксама працягваецца набор на іншыя запатрабаваныя напрамкі, такія як «Вытворчасць валакно- і пленкоаўтваральных палімераў і матэрыялаў на іх аснове», «Лагапедыя», «Педагагічная дзейнасць спецыялістаў» і «Эканоміка і кіраванне ў прадпрымальніцкай дзейнасці».
Падрабязней пра спецыяльнасці перападрыхтоўкі можна даведацца на сайце Інстытута павышэння кваліфікацыі і перападрыхтоўкі кадраў.