З 19 ліпеня дзве навучальныя групы з ліку студэнтаў Купалаўскага ўніверсітэта праходзяць выніковую практыку на палігоне «Гожскі», дзе адпрацоўваюць атрыманыя падчас навучання навыкі.Пад кіраўніцтвам вопытных афіцэраў-выкладчыкаў агульнавайсковай кафедры ваеннага факультэта студэнты паспяхова выканалі вучэбныя стрэльбы са стралковай зброі і ўзбраення баявых машын, выканалі практыкаванні па ваджэнні баявых машын і адпрацавалі тактычныя элементы штурму варожага пункту.
У ходзе практыкі ўсе навучэнцы прадэманстравалі высокі ўзровень падрыхтоўкі, замацавалі атрыманыя раней навыкі, а таксама набылі новыя. Выдатныя вынікі студэнтаў пацвярджаюць іх сур'ёзны падыход да навучання і імкненне стаць дастойнымі абаронцамі Радзімы.
