Пасяджэнне Савета старастаў стала дыскусійнай пляцоўкай па пытаннях якасці навучання. У перыяд зімовай экзаменацыйнай сесіі студэнты былі ўключаны ў склад Камісіі па аналізе арганізацыі і парадку правядзення зімовай экзаменацыйнай сесіі ў 2021-2022 навучальным годзе і ўдзельнічалі ў маніторынгу якасці бягучай атэстацыі.
На пасяджэнні Савета старастаў студэнты-члены Камісіі расказалі аб выніках маніторынгу, адзначылі дакладны парадак арганізацыі і правядзення экзаменацыйнай сесіі. Старасты навучальных груп у працэсе абмеркавання асаблівую ўвагу звярнулі на рэалізацыю назапашвальнай сістэмы ацэнкі ведаў і адзначылі эфектыўнасць укаранення электроннага часопіса паспяховасці і наведвальнасці.
У ходзе сустрэчы ішло актыўнае абмеркаванне пытанняў актуальнасці зместу і тэхналогій навучання, арганізацыі кіруемай самастойнай работы. Студэнты прапанавалі стварыць асобную старонку на адукацыйным партале для старастаў, якая стане пляцоўкай для інтэрактыўных зносін па актуальных пытаннях адукацыйнага працэсу.
