Сёння, 17 кастрычніка, у Гродзенскім дзяржаўным універсітэце імя Янкі Купалы адбылася сустрэча прадстаўнікоў УУС Гродзенскага аблвыканкама і МУС Рэспублікі Беларусь з замежнымі студэнтамі, залічанымі на першы курс.Мерапрыемства адкрыў прарэктар па вучэбнай рабоце Лявонцій Паўлаў, падкрэсліўшы важнасць адаптацыі замежных грамадзян да беларускай прававой сістэмы.
На сустрэчы прысутнічаў начальнік Упраўлення па грамадзянстве і міграцыі УУС Гродзенскага аблвыканкама Аляксандр Вулькевіч і намеснік начальніка Упраўлення па рабоце з замежнымі грамадзянамі і асобамі без грамадзянства Дэпартамента па грамадзянстве і міграцыі МУС Рэспублікі Беларусь Вадзім Забаранок.
Прадстаўнікі праваахоўных органаў расказалі студэнтам пра асаблівасці заканадаўства Рэспублікі Беларусь у сферы міграцыі, правілы знаходжання замежных грамадзян на тэрыторыі краіны, а таксама адказалі на ўсе пытанні.
Такія сустрэчы накіраваны на стварэнне спрыяльных умоў для навучання і пражывання замежных грамадзян у Рэспубліцы Беларусь, а таксама на забеспячэнне іх прававой бяспекі.
