У Гродзенскім дзяржаўным універсітэце імя Янкі Купалы даўно стала добрай традыцыяй урачыста ўручаць сертыфікаты цэнтралізаванага тэсціравання абітурыентам з самымі высокімі вынікамі. Сёлета 34 стобальнікі выконвалі ЦТ у Купалаўскім універсітэце. Тэсты па англійскай мове далі магчымасць пяцьдзесят аднаму абітурыенту Гродзенскай вобласці атрымаць сертыфікат 100 балаў. Па матэматыцы дзевяць абітурыентаў атрымалі найвышэйшы вынік, пяць удзельнікаў ЦТ напісалі хімію, чатыры – грамадазнаўства, тры – біялогію на максімальна магчымы бал. Больш за 90 балаў атрымалі чатырыста шаснаццаць чалавек з Гродзенскай вобласці, з іх сто семдзесят два абітурыенты выконвалі ЦТ у ГрДУ імя Янкі Купалы.

Таленавітых абітурыентаў і іх бацькоў павіншавалі запрошаныя госці - першы намеснік начальніка галоўнага ўпраўлення адукацыі Гродзенскага абласнога выканаўчага камітэта Галіна Курганская і намеснік старшыні Камітэта дзяржаўнага кантролю Гродзенскай вобласці Таццяна Слабыш.

З прывітальным словам да абітурыентаў звярнулася рэктар Купалаўскага ўніверсітэта Ірына Кітурка.

– Сёння з гонарам думаю аб тым, якія таленавітыя выпускнікі ў Гродзенскім рэгіёне. Гродзеншчына – гэта асаблівы рэгіён. Некалі намеснік старшыні Гродзенскага абласнога выканаўчага камітэта Марыя Бірукова неаднаразова падкрэслівала, што на Гродзеншчыне людзі ў нас такія, якія і ўсюды, толькі яны са знакам якасці, што робіць іх асаблівымі. І вось сёння гэтыя цудоўныя абітурыенты са знакам якасці сядзяць у нас у зале. Жадаю пажадаць вам, дарагія абітурыенты, каб у вашым жыцці склалася ўсё так, як вы задумалі. Каб высокія балы, якія вы зарабілі – адчынілі ўсе дзверы. Як рэктар Купалаўскага ўніверсітэта, я жадаю бачыць вас усіх у сценах нашай alma mater, у сценах універсітэта, які ўваходзіць у «ТОП-4» універсітэта Рэспублікі Беларусь. Аб тым, што наш універсітэт якасці, даказвае нядаўна атрыманая ўжо пятая Прэмія Урада за дасягненні ў галіне якасці. Мы адкрыты таленавітым і крэатыўным студэнтам, якім мы дапаможам выявіць, раскрыць і рэалізаваць патэнцыял! Шчыра жадаю вам, абітурыенты, і вашым бацькам, толькі вялікіх перамог!

Начальнік аддзела тэсціравання і прафесійнай арыентацыі моладзі Купалаўскага ўніверсітэта Наталля Кранцэвіч расказала, як быў арганізаваны працэс тэсціравання ў ГрДУ імя Янкі Купалы.

Павіншаваў абітурыентаў і ўручыў сертыфікаты з запаветнымі і доўгачаканымі баламі і першы прарэктар Купалаўскага ўніверсітэта Аляксандр Карэўскі.

Пасля цырымоніі ўручэння сертыфікатаў нам удалося пагутарыць з віноўнікамі ўрачыстасці.

Ульяна Парфёнчык скончыла ДУА «Гімназія № 1 г. Ліда», атрымала 100 балаў па англійскай, рускай мовах і па грамадазнаўстве.

– 400 балаў – гэта шматгадовая праца. Дзякуючы высокаму ўзроўню падрыхтоўкі ў гімназіі я змагла атрымаць максімум балаў. Гэта было насамрэч чакана, бо рэпетыцыйнае тэсціраванне таксама паказвала сто балаў. Дзякуй маме, якая заўсёды ва ўсім мяне падтрымлівае, і сёння на ўручэнні яна таксама тут, – падзялілася дзяўчына.

Настасся Макарэвіч прадстаўляе ДУА «Гімназія № 6 імя Ф. Э. Дзяржынскага г. Гродна», атрымала свае запаветныя сто балаў па англійскай мове.

– Мой самы выдатны вынік па англійскай мове – 100 балаў, рускай мове – 92 балы і па матэматыцы – 76 балаў. Насамрэч запрашэнне на ўрачыстую цырымонію ўручэння сертыфікатаў было вельмі нечаканым. Я ўзрадавалася і зараз адчуваю гонар за тое, што мяне вылучылі і падкрэслілі тыя старанні і працу, якую я ўклала ў дадзены вынік, – сказала Анастасія.

Жадаем абітурыентам поспехаў у выбары будучай прафесіі і ўніверсітэта! Выберыце правільны курс – на Купалаўскую ВНУ!