З 30 сакавіка па 1 красавіка ў Мінску на базе Нацыянальнага дзіцячага тэхнапарку прайшоў Рэспубліканскі конкурс тэхнічнай творчасці навучэнскай моладзі «Інжынеры будучыні». Удзельнікамі мерапрыемства сталі 163 юныя інжынеры з усёй Беларусі. Гродзенскі дзяржаўны ўніверсітэт імя Янкі Купалы прадставілі тры студэнты факультэта матэматыкі і інфарматыкі.Заключны этап конкурсу запатрабаваў ад удзельнікаў сур'ёзнай тэхнічнай падрыхтоўкі і глыбокіх ведаў. На працягу 9 гадзін на прадстаўленых камп'ютарах студэнты вырашалі тры задачы на касмічную тэматыку. Яны павінны былі выканаць аналіз спадарожнікавых здымкаў, класіфікацыю галактык і вырашыць задачу для марсахода.
Па выніках упартай працы ў лік пераможцаў увайшоў студэнт другога курса спецыяльнасці «Праграмная інжынерыя» ГрДУ імя Янкі Купалы Міхаіл Лахніцкі. Ён стаў уладальнікам трэцяга месца ў напрамку «Штучны інтэлект» ва ўзроставай катэгорыі 19-20 гадоў.
Удзел і прызавое месца на гэтым конкурсе пацвярджаюць высокі ўзровень падрыхтоўкі студэнтаў Гродзенскага дзяржаўнага ўніверсітэта імя Янкі Купалы і іх уменне паспяхова прымяняць вывучанае на практыцы.