24 жніўня ў Краснакаменску (Расійская Федэрацыя) адбыўся Міжнародны Кубак па баскетболе 3х3 у рамках фестывалю «Атамная даурыя». У турніры прынялі ўдзел каманды з Рэспублікі Беларусь, Казахстана, Кітая і Расійскай Федэрацыі. У складзе баскетбольнага клуба «Прынямонне» гулялі студэнты ГрДУ імя Янкі Купалы.Гродзенскі баскетбольны клуб «Прынямонне» прадставілі Ягор Часноў, Георгій Фастаў, Дзмітрый Навуменка і Кірыл Ткачэнка. Адзначым, што Георгій Фастаў і Ягор Часноў з'яўляюцца студэнтамі факультэта фізічнай культуры Купалаўскага ўніверсітэта. У напружаным фінале нашы баскетбалісты атрымалі перамогу над наймацнейшымі сапернікамі з Казахстана, пацвердзіўшы свае выдатныя навыкі і камандны дух.
Гэта перамога не толькі паказала высокі ўзровень гульні баскетбольнага клуба «Прынямонне», але і якасны ўзровень падрыхтоўкі студэнтаў факультэта фізічнай культуры. Віншуем чэмпіёнаў!
