У рамках работы XVII Міжнароднай навуковай інтэрнэт-канферэнцыі студэнтаў, магістрантаў і аспірантаў НДРС ФЭУ-2022 "Эканоміка і кіраванне XXI стагоддзя" адбылося пасяджэнне круглага стала "Маладзёжнае інавацыйнае прадпрымальніцтва".
Месцам яго правядзення стаў каворкінг Тэхналагічнага парка ГрДУ імя Янкі Купалы. Мадэратарам выступіў загадчык кафедры міжнароднага бізнесу і маркетынгу Лі Чон Ку. Запрошаныя спікеры прадставілі розныя формы падтрымкі маладзёжнага інавацыйнага прадпрымальніцтва, якія накіраваны на дасягненне мэт устойлівага развіцця.
Намеснік дырэктара Гродзенскай абласной установы фінансавай падтрымкі прадпрымальнікаў Галіна Арцюх расказала пра дзяржаўныя інструменты падтрымкі прадпрымальнікаў і падзялілася вопытам работы Стартап школы.
Начальнік Цэнтра трансферу тэхналогій Алена Апякун прадставіла інфармацыю аб магчымасцях падачы заявак і ўдзелу ў Адкрытым конкурсе студэнцкіх стартап-праектаў "ІнНаСтарт" у ГрДУ імя Янкі Купалы і створаным ва ўніверсітэце фондзе інавацыйнага развіцця.
Адбылася прэзентацыя новага рэзідэнта Тэхнапарка, студэнта спецыяльнасці "Электронны маркетынг" Арцёма Глотава, які прадставіў свой стартап у SMM.
Дацэнт кафедры міжнароднага бізнесу і маркетынгу Валерый Шышко падзяліўся практычнымі парадамі па арганізацыі і вядзенні бізнесу.
Досведам рэалізацыі ўласнага стартап праекта падзяліўся магістрант факультэта эканомікі і кіравання Уладзіслаў Банцэвіч.
Адбылося падключэнне партнёраў факультэта эканомікі і кіравання: Казахскага ўніверсітэта эканомікі, фінансаў і міжнароднага гандлю «КазУЭФМТ», Расійскага ўніверсітэта транспарту (Масква, Расійская Федэрацыя), Еўразійскага ўніверсітэта імя Л.М. Гумілёва (Казахстан).
Выступленні спікераў нікога не пакінулі абыякавымі. Актуальныя бізнес-мадэлі і тэхналагічныя ноу-хау, апошнія дадзеныя аб тэндэнцыях, пагрозах і магчымасцях сучасных рынкаў і гісторыі поспехаў ад рэальных прадпрымальнікаў і кампаній - усё гэта выклікала жывую цікавасць ва ўдзельнікаў. У працы круглага стала прынялі ўдзел звыш 50 студэнтаў факультэта, большасць з якіх з'яўлялася членамі студэнцкага навуковага таварыства факультэта эканомкі і кіравання. Бо сучасная эканамічная навука - гэта не толькі суровы граніт тэорыі, але і актуальныя пытанні практыкі. Набытыя нашымі студэнтамі новыя кампетэнцыі, несумненна, дапамогуць ім у падрыхтоўцы бізнес-ідэй на маючы адбыцца конкурс "ІнНаСтарт".
Вялікую арганізацыйную дапамогу пры правядзенні канферэнцыі аказалі прадстаўнікі студэнцкага навуковага таварыства факультэта Паліна Філіпчук, Аляксандра Семянчук і Вікторыя Ханевіч.
