На першым завочным этапе ўдзельнікі, сярод якіх навучэнцы сярэдніх спецыяльных і вышэйшых устаноў адукацыі, падрыхтавалі прэзентацыйныя відэаролікі сваіх каманд і напісалі эсэ "Ода псіхалогіі".У рамках вочнага этапа, які адбудзецца 9 красавіка, удзельнікам прапануюць вырашыць шэраг заданняў. Ім трэба будзе выканаць кампутарны тэст па псіхалогіі, які ўключае ў сябе 30 заданняў. У рамках алімпіяды пройдзе інтэлектуальная гульня "Брэйн-рынг", якая будзе складацца з матчавых сустрэч. У кожным баі сыдуцца дзве каманды і вырашаць пяць раўндаў.
Захапляльным этапам стане разыгрыванне ролевых сітуацый. Удзельнікі разбяруць і вырашаць кейс-сітуацыі. Журы будзе ацэньваць канструктыўнасць і абгрунтаванасць прапанаванага спосабу вырашэння існуючай сітуацыі, навык выбару абгрунтаванага арыенціра для выбудоўвання ўласных паводзін, уменне ўлічваць асаблівасці ўдзельнікаў і сітуацыі, здольнасць выпрацаваць і рэалізаваць спосаб уздзеяння для вырашэння існуючай сітуацыі, уменне прадбачыць вынікі ўздзеяння.
Пераможцы Алімпіяды будуць узнагароджаны дыпломамі I, II, III ступені і каштоўнымі падарункамі.