Купалаўцы розных падраздзяленняў універсітэта здзейснілі навагоднія мары рабят, якімі выхаванцы дома-інтэрната падзяліліся з Дзядулем Марозам у сваіх лістах. Ужо на працягу многіх гадоў кіраўніцтва, супрацоўнікі і студэнты Гродзенскага дзяржаўнага ўніверсітэта імя Янкі Купалы становяцца ў навагоднія святы чараўнікамі, якія выконваюць жаданні выхаванцаў Васілішкаўскага дома-інтэрната.

Супрацоўнікі і студэнты факультэта біялогіі і экалогіі закупілі і перадалі неабходныя рэчы ў цэнтр дапамогі "Вера", які аказвае дабрачынную дапамогу і падтрымку дзецям-сіротам, дзецям-інвалідам, сацыяльным установам.

У сценах факультэта эканомікі і кіравання прайшоў традыцыйны дабрачынны кірмаш "Ад сэрца да сэрца" ў рамках праекта "Прыкладзі руку да добрых спраў". На кірмашы былі прадстаўлены выпечка, прысмакі і навагоднія ўпрыгожанні, створаныя студэнтамі і выкладчыкамі факультэта. На сабраныя грашовыя сродкі былі закуплены падарункі для выхаванцаў дзіцячага дома сямейнага тыпу сям'і Кароль, размешчанага на вуліцы Валковіча, 17. Не менш эмацыйным аказалася і наведванне ДУА «Дапаможная школа № 1 г. Гродна». Купалаўцы прыйшлі з віншаваннямі і каляднымі падарункамі да вучняў.

Калектыў ваеннага факультэта сумесна з гімназіяй нумар 4 напярэдадні Новага года падарыў навагодні настрой і падарункі дзецям сям'і Парфіновічаў.

Навучэнцы і выкладчыкі Ваўкавыскага каледжа ГрДУ імя Янкі прыйшлі ў госці да рабят з Ваўкавыскага дзіцячага дома. Навагодні вечар упрыгожыў цудоўны паказ, які падарыў казку выхаванцам Ваўкавыскага дзіцячага дома ў пераднавагоднія дні.

У Тэхналагічным каледжы ГрДУ Янкі Купалы былі сабраны і перададзены падарункі ў Дзяржаўны цэнтр карэкцыйна-развіваючага навучання і рэабілітацыі горада Гродна.

Прадстаўнікі гуманітарнага каледжа павіншавалі выхаванцаў Гродзенскай школы-інтэрната для дзяцей з парушэннем зроку. Навучэнцы паказалі навагодні тэатралізаваны выступ.

Купалаўцы павіншавалі выхаванцаў дзіцячых садоў №24 і №39. Як старшыня камісіі па сацыяльнай палітыцы і справах моладзі Гродзенскага абласнога Савета дэпутатаў Ірына Фёдараўна штогод віншуе малых з навагоднімі святамі. Ад яе імя цёплыя словы і падарункі перадаў Васіль Сянько, кампанію яму склалі Дзядуля Мароз і Снягурачка. Усе разам яны стварылі казку для дзяцей і пакінулі мора станоўчых эмоцый.