Для паспяховага правядзення цэнтралізаванага тэсціравання па вучэбных прадметах створаны ўсе ўмовы: падрыхтаваны аўдыторыі, забяспечана канфідэнцыяльнасць тэставых заданняў, выкананыя патрабаванні бяспекі, а таксама выкананы ўсе неабходныя санітарна-эпідэміялагічныя мерапрыемствы. У Гродзенскай вобласці цэнтралізаванае тэсціраванне праходзіць на базе пунктаў ГрДУ імя Янкі Купалы ў Гродне, Лідзе і Ваўкавыску, а таксама Гродзенскага дзяржаўнага аграрнага ўніверсітэта. Усяго ў рэгіёне ўдзел у ЦТ у гэтым годзе прымуць больш 5100 абітурыентаў.

У адпаведнасці з графікам правядзення ЦТ-2021 далей абітурыентаў чакае тэсціраванне па матэматыцы - 23 і 24 чэрвеня. ЦТ па біялогіі адбудзецца 26 чэрвеня, па замежнай мове - 28 чэрвеня, па хіміі - 30 чэрвеня. На пачатак ліпеня запланаваны выпрабаванні яшчэ па чатырох вучэбных прадметах: 2 ліпеня можна будзе здаць ЦТ па фізіцы, 4 ліпеня - па гісторыі Беларусі, 6 ліпеня - па геаграфіі і 8 ліпеня - па сусветнай гісторыі (найноўшы час). Як заўсёды, прадугледжаны і рэзервовыя дні ЦТ: 14, 16 і 18 ліпеня. Рэгістрацыя абітурыентаў для праходжання цэнтралізаванага тэсціравання ў рэзервовыя дні будзе ажыццяўляцца з 2 па 9 ліпеня.