У інтэрнэт-галасаванні за прыз глядацкіх сімпатый конкурсу ўдзельнічаюць праекты-фіналісты фестывалю. З больш чым 300 работ, пададзеных удзельнікамі ў катэгорыях Профі (студэнты ўніверсітэтаў) і Юніёры (навучэнцы каледжаў і ўстаноў агульнай сярэдняй адукацыі), у фінал выйшлі 116 медыяпраектаў у 6 намінацыях: «Друкаванае СМІ», «Электроннае СМІ (ТБ)», «Электроннае СМІ (радыё)», «Фотапраект», «Інтэрнэт-праект», «Камунікацыйны праект».

Галасаванне працягнецца з 9 красавіка па 13 красавіка ўключна ў Telegram-канале «Студэнцкага медыяцэнтра». Сярод усіх работ, якія прайшлі ў фінал, аўдыторыя вызначыць дваіх пераможцаў - у катэгорыі Профі і Юніёры.

Урачыстыя мерапрыемствы III Рэспубліканскага маладзёжнага фестывалю-конкурсу «Медыясфера-2021» у Купалаўскім універсітэце пройдуць 15 і 16 красавіка. Праграма разлічана на два дні. У першы дзень адбудзецца цырымонія адкрыцця, майстар-класы для ўдзельнікаў. У другой палове дня будуць арганізаваны прагляды фестывальных работ і канцэртная праграма. Другі дзень фестывалю пачнецца серыяй майстар-класаў у пяці секцыях: «СМІ і прэс-служба ў глабальным свеце», «Асоба журналіста і яго індывідуальны стыль», «Кейсы і антыкейсы», «Стратэгіі поспеху ў медыяпрасторы», «Стратэгіі прасоўвання праектаў» . На цырымоніі ўзнагароджання 16 красавіка назавуць лаўрэатаў I, II, III ступені, уладальнікаў спецыяльных дыпломаў журы, а таксама пераможцаў у намінацыі прыз глядацкіх сімпатый III Рэспубліканскага маладзёжнага фестывалю-конкурсу «Медыясфера-2021».

З праграмай правядзення фестывалю можна азнаёміцца на сайце інфармацыйнага рэсурсу «МедыяДом».