Свае танцавальныя нумары ў Купалаўскім універсітэце прадставяць лепшыя творчыя калектывы Гродна і Гродзенскай вобласці. Ва ўсіх жадаючых яшчэ ёсць магчымасць папоўніць шэрагі канкурсантаў. Прымаць удзел у конкурсе можна ў рамках танцавальнага калектыву, дуэта або сольна, прадставіўшы на суд журы і гледачоў нумар у любым танцавальным стылі - ад класічнага і стылізаванага народнага танца да джаз-фанка, мадэрна і брэйк-данса. Фестываль пройдзе ў некалькіх намінацыях: стылізаваны народны танец, street show, dance show і free show.

Журы будзе ацэньваць тэхніку выканання - пластычнасць, сінхроннасць, рытмічнасць і музычнасць, выразнасць выканання - відовішчнасць, артыстызм, уменне перадаць настрой гледачам, кампазіцыю конкурснага нумара - ідэю пастаноўкі, арыгінальнасць, а таксама касцюмы, рэквізіт і культуру выканання.

Заяўкі на ўдзел у конкурсе можна падаваць да 15 красавіка ў аддзел культурна-масавай і дасугавай дзейнасці ўпраўлення выхаваўчай работы з моладдзю ГрДУ імя Янкі Купалы ў пісьмовым і электронным фармаце. E-mail: ct@grsu.by. Падрабязней – у Палажэнні.

Пераможцы і прызёры фестывалю-конкурсу «Стыль-DANCE - энергія, прыгажосць, гармонія» атрымаюць дыпломы, каштоўныя падарункі, спецыяльныя прызы і падарункавыя сертыфікаты. Фінал конкурсу адбудзецца 22 красавіка ў 18.30 у актавай зале ўніверсітэта па адрасе: Леніна, 32.