Конкурс з'яўляецца адкрытым і пройдзе ва ўніверсітэце ўжо ў другі раз. Удзельнікамі конкурсу могуць стаць як індывідуальныя даследчыкі, так і навуковыя калектывы з ліку штатных супрацоўнікаў універсітэта, у тым ліку адасобленых структурных падраздзяленняў, студэнты, магістранты, аспіранты і дактаранты, а таксама навуковыя аб'яднанні навучэнцаў універсітэта з ліку студэнцкіх навукова-даследчых лабараторый і студэнцкіх канструктарскіх бюро. Матэрыялы і звесткі, прадастаўленыя на конкурс праектаў, павінны быць арыгінальнымі, не ўтрымліваць звестак, відавочна або апасродкавана парушаючых якія-небудзь абавязацельствы прыватнасці аўтараў, правоў на інтэлектуальную ўласнасць.

Фінансавая падтрымка за кошт сродкаў Фонду інавацыйнага развіцця ГрДУ імя Янкі Купалы на конкурснай аснове можа быць прадастаўлена супрацоўнікам i навучэнцамі ўніверсітэта, якія працуюць над рэалізацыяй інавацыйных праектаў, якія плануюцца для ўключэння ў Дзяржаўную праграму інавацыйнага развіцця Рэспублікі Беларусь, рэалізацыяй экспартна-арыентаваных інавацыйных праектаў, а таксама праектаў, накіраваных на стварэнне і арганізацыю дзейнасці малых інавацыйных прадпрыемстваў, якія займаюцца камерцыялізацыяй вынікаў навуковай дзейнасці ўніверсітэта. Прэтэндаваць на атрыманне грантаў могуць супрацоўнікі, студэнты, магістранты, аспіранты і дактаранты ўніверсітэта, навуковая і інавацыйная дзейнасць якіх накіравана на выкананне навукова-даследчых, даследча-канструктарскіх і даследча-тэхналагічных работ, якія забяспечваюць стварэнне і выпуск новай прадукцыі, удасканаленых тэхналогій і новых для нашай рэспублікі і сусветнай эканомікі паслуг, а таксама на акселерацыю і рэалізацыю інавацыйных праектаў і распрацовак, якія забяспечваюць укараненне вынікаў навукова-даследчай работы ў вытворчы працэс прадпрыемстваў і арганізацый краіны.

Конкурс на прадастаўленне грантаў будзе праводзіцца ў 3 этапы. Першы этап стартуе з 21 верасня і будзе доўжыцца да 30 кастрычніка. У гэты перыяд ўдзельнікі павінны падаць заяўку на конкурс, бізнес-праект і яго тэхніка-эканамічнае абгрунтаванне, а таксама меркаваныя фінансавыя затраты па праекце. Ад кожнага ўдзельніка прымаецца толькі адна заяўка. Удзельнікі конкурсу могуць прадастаўляць дадатковыя дакументы да праекту, у тым ліку даведачныя матэрыялы, звязаныя з выкананнем навукова-даследчых, даследча-канструктарскіх і даследча-тэхналагічных работ, а таксама работ па асваенню і вытворчасці новых відаў тавараў і паслуг. Тэматыка праектаў, якія падаюцца на конкурс, павінна адпавядаць Пераліку прыярытэтных напрамкаў навукова-тэхнічнай дзейнасці і Пераліку прыярытэтных напрамкаў навуковых даследаванняў Рэспублікі Беларусь.

З 2 па 30 лістапада будзе праведзена экспертыза прадстаўленых матэрыялаў. Пры правядзенні экспертызы працы будуць ацэньвацца па такіх крытэрах, як інавацыйнасць, тэхналагічны ўклад укараняемых тэхналогій і іх паходжанне, плануемы аб'ём вытворчасці навукаёмістай прадукцыі, камерцыйны і экспартны патэнцыял распрацоўкі, тэрмін акупнасці праекта, рэальнасць тэрмінаў выканання этапаў і працы ў цэлым, абгрунтаванасць меркаваных выдаткаў. Пры адборы праектаў для фінансавання за кошт сродкаў Фонду інавацыйнага развіцця ўніверсітэта прыярытэт будуць мець праекты, якія базуюцца на тэхналогіях V і VI тэхналагічных укладаў, а таксама тыя, якія завяршаюцца выпускам і рэалізацыяй інавацыйнай прадукцыі. Адбор праектаў і падвядзенне вынікаў конкурсу адбудзецца з 1 па 20 снежня 2020 года.

Конкурс на прадастаўленне грантаў для выканання навукова-даследчых і інавацыйных праектаў накіраваны на стварэнне ўмоў для падтрымкі камерцыялізацыі навуковых вынікаў, стымуляванне навукова-даследчай і інавацыйнай дзейнасці супрацоўнікаў і навучэнцаў універсітэта, адбор перспектыўных навукова-даследчых і інавацыйных праектаў для далейшага садзейнічання ў іх рэалізацыі і прасоўванні, фарміраванне ва ўдзельнікаў конкурсу навыкаў праектнай дзейнасці, стварэнне ўмоў для раскрыцця патэнцыялу і асобаснага росту ўдзельнікаў конкурсу і забеспячэнне рэалізацыі прыярытэтаў развіцця ўніверсітэта.

Гранты будуць вылучацца са сродкаў Фонду інавацыйнага развіцця ГрДУ імя Янкі Купалы, які быў сфармаваны ў канцы мінулага года з мэтай фінансавага забеспячэння інавацыйнага развіцця ўніверсітэта.