Удзельнікамі фіналу стануць праекты, якія паспяхова прайшлі ўсе конкурсныя этапы. Рабяты наведвалі адукацыйныя трэнінгі ад экспертаў у сферы бізнесу, прыдумлялі і правільна афармлялі свае ідэі, пасля чаго журы, у склад якога ўвайшлі выкладчыкі ГрДУ імя Янкі Купалы, прадстаўнікі прадпрыемстваў і арганізацый Гродна, ацэньвалі запатрабаванасць, актуальнасць, практычную реалізуемасць, канкурэнтаздольнасць праекта, а таксама наяўнасць абгрунтаванай бізнес-мадэлі праекта. Дарэчы, за ўсё для ўдзелу было пададзена больш за 40 заявак.

Студэнты ГрДУ імя Янкі Купалы, а таксама каманда з Гуманітарнага каледжа, публічна прэзентуюць свае ідэі падчас фіналу. Будуць прадстаўлены праекты «Платформа 16/1», «Высокаэфектыўны полістыролбетон», «Арт-прастора», «PROBATION», «S»mart Mobility», «Food Puzzle», «ЛагапедіЯ», «MagicLaser», «ARVC», «QuestBot», «SportPoint», «GR-ticket Grodno», «GrodnoDisplay», «NanoWatPet», «BIM engineering».

Сярод ідэй - стварэнне арт-аб'ектаў і мабільных прыкладанняў для павелічэння прывабнасці Гродна сярод турыстаў, электронная сістэма праязных квіткоў у грамадскім транспарце, стварэнне лабараторыі спорту на базе ўніверсітэта. Не пакінула абыякавымі купалаўцаў і тэма экалогіі: рабяты прапануюць ствараць полістыролбетонныя вырабы з другаснага пенапалістырола.

Па выніках публічнай прэзентацыі пераможцы будуць названыя ў чатырох намінацыях: «Лепшы стартап-праект - ТЭХНАЛОГІЯ», «Лепшы стартап-праект - ПРАДУКТ», «Лепшы стартап-праект - ПАСЛУГІ», «Лепшы стартап-праект - САЦЫЯЛЬНЫЯ ІНАВАЦЫІ». Пераможцы атрымаюць прызы, сертыфікат і магчымасць карыстацца паслугамі навукова-тэхналагічнага парку на працягу 12 месяцаў бясплатна. Таксама па выніках конкурсу журы абярэ лепшы праект, які атрымае Гран-пры - грант на рэалізацыю стартапа ў Навукова-тэхналагічным парку.

Стартап-бой адбудзецца 22 мая ў Навукова-тэхналагічным парку ГрДУ імя Янкі Купалы па адрасе: вул. Гаспадарчая, 23.