У рамках праграмы «Запрошаны прафесар» кафедра крымінальнага права, крымінальнага працэсу і крыміналістыкі прыняла прафесара Вышэйшай школы міжнародных адносін Санкт-Пецярбургскага політэхнічнага ўніверсітэта Пятра Вялікага, доктара філасофскіх навук, прафесара, Ігара Кефелі.Доктар філасофскіх навук правёў заняткі для студэнтаў 2 курса спецыяльнасці «Міжнароднае права», студэнтаў 1 курса спецыяльнасці «Мытная справа», студэнтаў 1 курса спецыяльнасцяў «Гісторыя», «Інфармацыя і камунікацыя», «Журналістыка», студэнтаў 1 курса спецыяльнасці «Правазнаўства».
На працягу тыдня былі арганізаваны сустрэчы Ігара Кефелі з кіраўніцтвам юрыдычнага факультэта Гродзенскага дзяржаўнага ўніверсітэта імя Янкі Купалы, экскурсія па галоўным корпусе ўніверсітэта, наведванне музея гісторыі развіцця ГрДУ імя Янкі Купалы, а таксама аглядныя экскурсіі па гістарычных мясцінах горада Гродна.
Актыўны ўдзел у арганізацыі прыёму запрошанага прафесара прынялі загадчык кафедры крымінальнага права, крымінальнага працэсу і крыміналістыкі, кандыдат юрыдычных навук, дацэнт Рыма Ключко і дэкан юрыдычнага факультэта, кандыдат юрыдычных навук, дацэнт Святлана Чабуранава.
У выніку візіту былі намечаны перспектывы для далейшага супрацоўніцтва паміж Гродзенскім дзяржаўным універсітэтам імя Янкі Купалы і Санкт-Пецярбургскім політэхнічным універсітэтам Пятра Вялікага.
