У спаборніцтве прынялі ўдзел восем студэнтаў-замежнікаў з Азербайджана, Індыі, Туркменістана і Шры-Ланкі. Усе яны атрымліваюць вышэйшую адукацыю ў гродзенскіх ВНУ.
Конкурс праходзіў у тры этапы.
Кожны ўдзельнік у першым туры «Парад выступоўцаў» прадстаўляў сябе і свой рытарычны дэвіз.
На другім этапе канкурсанты выступалі з прамоўніцкай прамовай: студэнты распавядалі пра радзіму, культуру, традыцыі і звычаі свайго народа, паказвалі фота славутасцяў, якімі ганарыцца іх краіна.
У трэцім туры ўдзельнікі інтэрпрэтавалі рускія прыказкі і прымаўкі і прыводзілі прыклады нацыянальных аналагаў.
Судзейская калегія ацэньвала выступы канкурсантаў па наступных крытэрах: ступень валодання рускай мовай, змястоўнасць і арыгінальнасць прамовы, уменне выразна фармуляваць свае думкі і ўзаемадзейнічаць з аўдыторыяй. У склад журы ўвайшлі старшы выкладчык кафедры рускай мовы ГрДУ імя Янкі Купалы Галіна Мікалаеўна Жданеня (старшыня журы), старшы выкладчык кафедры агульнага і славянскага мовазнаўства ГрДУ імя Янкі Купалы Галіна Чаславаўна Мазько і старшы выкладчык кафедры рускай і беларускай моў, намеснік дэкана педыятрычнага факультэта ГрДМУ Надзея Аляксееўна Мішонкава.
Дыпломамі трэцяй ступені ўзнагароджаны студэнтка 5 курса юрыдычнага факультэта ГрДУ імя Янкі Купалы Ганна Кастракова (Туркменістан) і студэнтка 4 курса факультэта замежных навучэнцаў ГрДМУ Айлар Бердзіева (Туркменістан).
Дыпломамі другой ступені адзначаны студэнт 4 курса юрыдычнага факультэта ГрДУ імя Янкі Купалы Мейліс Тачмамедаў (Тукрменістан) і студэнтка 2 курса факультэта замежных навучэнцаў ГрДМУ Зала Прыянка (Індыя).
Пераможцамі конкурсу прызнаны студэнтка 1 курса філалагічнага факультэта ГрДУ імя Янкі Купалы Хума Атакаева (Туркменістан) і студэнт 4 курса факультэта замежных навучэнцаў ГрДМУ Конрад Джой (Шры-Ланка).