Ва ўрачыстым сходзе прынялі ўдзел начальнік ваеннага факультэта ГрДУ імя Янкі Купалы Генадзь Песляк, рэктар ГрДУ імя Янкі Купалы Ірына Кітурка, намеснік ваеннага камісара Гродзенскай вобласці палкоўнік Сяргей Ігнатовіч.

Ірына Кітурка шчыра павіншавала афіцэраў і курсантаў з іх прафесійным святам. Яна выказала словы падзякі за штодзённую працу, якая прыводзіць факультэт да шматлікіх перамог і ўзнагарод.

– Дарагія мужчыны і, вядома, жанчыны. Вы - прыклад для пераймання. Устойлівыя, моцныя, працавітыя. Універсітэт і асабіста я ганарымся вамі. Жадаю вам прафесійных поспехаў і толькі мірнага неба над галавой, – звярнулася Ірына Фёдараўна да ўдзельнікаў урачыстага збору.

З дакладам аб дзейнасці ваеннага факультэта Гродзенскага дзяржаўнага ўніверсітэта імя Янкі Купалы выступіў начальнік ваеннага факультэта Генадзь Песляк.

У рамках мерапрыемства былі адзначаны курсанты і выкладчыкі ваеннага факультэта ГрДУ імя Янкі Купалы, якія вызначыліся сваім патрыятызмам, мужнасцю і самаахвярнасцю ў служэнні Айчыне. Узнагароджанне лепшых прадстаўнікоў ваеннай супольнасці стала заслужаным прызнаннем і заахвочваннем іх працы і намаганняў.

На ўрачыстым мерапрыемстве гучалі словы падзякі ад кіраўніцтва ўніверсітэта, а таксама прадстаўнікоў ваенных структур. Гэта быў дзень, напоўнены натхненнем і гонарам. І Купалаўскі ўніверсітэт зноў пацвердзіў сваю прыхільнасць да развіцця адукацыі, патрыятычнага выхавання моладзі і падтрымкі ўсіх, хто служыць на карысць сваёй Радзімы.