Абраныя кандыдаты - гэта актывісты студатрадаўскага і валанцёрскага рухаў ГрДУ імя Янкі Купалы, удзельнікі міжнародных і рэспубліканскіх навуковых форумаў і канферэнцый, акцый, праектаў і конкурсаў, уладальнікі шматлікіх падзячных лістоў грамадскіх аб'яднанняў, грамат і ўзнагарод.    Сярод іх   студэнткі педагагічнага факультэта Вераніка Кажанеўская, Карына Млыноўская, студэнты філалагічнага факультэта Аляксандр Лапатнёў, Анастасія Госцік, Кацярына Гаргун і студэнтка факультэта эканомікі і кіравання Алёна Енко.

Словы пажадання ў адрас моладзі накіравала першы прарэктар універсітэта Ірына Кітурка.

– Удзел у Сусветным фестывалі моладзі і студэнтаў для вас - гэта своеасаблівы падарунак лёсу. Гэта важная падзея, як для дэлегатаў, так і для Гродзенскага дзяржаўнага ўніверсітэта імя Янкі Купалы ў цэлым. Асабліва мы ганарымся тым, што сярод трох сотняў дэлегатаў нашай краіны права прадставіць Беларусь на Міжнародным парадзе студэнцтва ў Маскве прадастаўлена нашай студэнтцы - Вераніцы Кажанеўскай, - заўважыла Ірына Фёдараўна. - Выкарыстоўвайце наступны тыдзень, на працягу якога будзе праходзіць фестываль, па максімуме: завядзіце новыя знаёмствы, знайдзіце натхненне для рэалізацыі новых праектаў і атрымайце незабыўныя ўражанні.

Ірына Кітурка ўручыла дэлегатам пуцёўкі на фэст і пажадала упэўненасці  ў сабе, поспехаў, годна прадставіць родную краіну, горад і ўніверсітэт на маштабным міжнародным мерапрыемстве, а галоўнае - вярнуцца з новымі ідэямі і яркімі ўражаннямі.

Добрыя словы прагучалі ад начальніка ўпраўлення выхаваўчай работы з моладдзю Аксаны Котавай і сакратара ПА / РК ГА «БРСМ» ГрДУ імя Янкі Купалы Андрэя Есіна.

Свой наказ дэлегатам далі актывісты грамадскіх аб'яднанняў, якія дзейнічаюць ва ўніверсітэце. Студэнты прапанавалі даведацца аб працы грамадскіх арганізацый і аб'яднанняў у іншых краінах, пра досвед арганізацыі студатрадаў і магчымасці ўдзелу беларускіх студэнтаў у іх працы, наладзіць кантакты з прадстаўнікамі студэнцкага самакіравання краін-суседзяў, якія ўваходзяць у Балонскі працэс, а таксама даведацца аб рэалізацыі міжнародных праектаў па захаванні гістарычнай спадчыны.

Нагадаем, што XIX Сусветны фестываль моладзі і студэнтаў пройдзе ў Сочы з 14 па 22 кастрычніка. На адной пляцоўцы збяруцца больш за 20 тысяч студэнтаў з 150 краін свету - маладыя лідэры з розных сфер: прадстаўнікі моладзевых грамадскіх арганізацый, маладыя журналісты, творчая і спартыўная моладзь, маладыя інжынеры і IT-спецыялісты, лідэры моладзевых арганізацый палітычных партый, маладыя прадпрымальнікі, лідэры студэнцкага самакіравання, маладыя вучоныя і выкладчыкі вышэйшых навучальных устаноў, а таксама замежнікі, якія вывучаюць рускую мову.

У рамках фестывалю ўдзельнікі зоймуцца сумеснай распрацоўкай канцэпцыі развіцця планеты да 2030 года і паспрабуюць сфармуляваць адказы на найбольш актуальныя выклікі, якія стаяць перад пакаленнем.

Удзельнікаў чакаюць унікальныя і насычаныя дыскусійная, культурная, навукова-адукацыйная і спартыўная праграмы з удзелам прафесіяналаў сусветнага ўзроўню, рэальныя прыкладныя навыкі на майстар-класах і творчых майстэрнях, зносіны з аднадумцамі і калегамі з розных краін. Юнакі наведаюць балет, лядовае шоу, кінафестываль, джазавы фестываль, цыркавое прадстаўленне, а таксама праявяць свае творчыя і фізічныя здольнасці ў вулічных танцах, спартыўных спаборніцтвах і на многіх іншых мерапрыемствах.

Фестываль закліканы кансалідаваць маладзёжную сусветную супольнасць, умацаваць міжнародныя сувязі і развіваць міжнацыянальнае і міжкультурнае ўзаемадзеянне.