Доктар філалагічных навук прачытаў лекцыі па дысцыпліне "Гісторыя мовы (нямецкая)" для студэнтаў 3 курса спецыяльнасці "Рамана-германская філалогія (нямецкая)". У працэсе заняткаў студэнты авалодалі ведамі аб станаўленні фаналагічнай, граматычнай і лексічнай падсістэм нямецкай мовы, а таксама праслухалі курс лекцый у аб'ёме 12 гадзін па дысцыпліне "Гісторыя мовы (нямецкая)", прынялі актыўны ўдзел у абмеркаванні гісторыка-моўных пытанняў.

На працягу тыдня былі арганізаваны сустрэчы Алены Баднарук з кіраўніцтвам філалагічнага факультэта Гродзенскага дзяржаўнага ўніверсітэта імя Янкі Купалы, экскурсія па галоўным корпусе ўніверсітэта, наведванне музея гісторыі развіцця ГрДУ ім. Я. Купалы, а таксама аглядныя экскурсіі па цудоўным горадзе Гродна. Актыўны ўдзел у арганізацыі прыёму запрошанага прафесара прынялі загадчык кафедры рамана-германскай філалогіі Надзея Уласюк і дацэнт кафедры рамана-германскай філалогіі, к.ф.н., дацэнт Святлана Масленікава.

Нараўне з правядзеннем лекцый былі запланаваны таксама і іншыя мерапрыемствы: метадычныя кансультацыі выкладчыкаў кафедры рамана-германскай філалогіі па інавацыйных тэхналогіях арганізацыі навучальнага працэсу; абмеркаванне праграмы міжнароднага конкурсу педагагічнага майстэрства для студэнтаў і настаўнікаў-практыкаў замежных моў «З лічбай да ведання мовы!».

У выніку візіту былі намечаны перспектывы для далейшага супрацоўніцтва паміж Гродзенскім дзяржаўным універсітэтам імя Янкі Купалы і Паўночным (Арктычным) федэральным універсітэтам ім. М.В. Ламаносава.