Адкрыты Кубак Беларусі па класічным паўэрліфтынгу прайшоў у Мінску і сабраў удзельнікаў з усёй краіны. Купалаўцы прывезлі нямала ўзнагарод!Першае месца ў студэнткі 4 курса факультэта фізічнай культуры Вікторыі Гулер у вагавой катэгорыі 52 кг. Яе асабісты рэкорд 305 кг у суме. Таксама ўладальнікам першага месца стаў студэнт 4 курса факультэта фізічнай культуры Алег Кіюць у вагавой катэгорыі 83 кг, акрамя таго, у яго першае месца ў абсалютнай вазе. Другое месца заняў студэнт 4 курса факультэта фізічнай культуры Герман Куцько ў вагавой катэгорыі 83 кг.
Крыху не хапіла да прызавога месца студэнту 4 курса інжынерна-будаўнічага факультэта Паўлу Грысюку і студэнту 3 курса факультэта інавацыйных тэхналогій машынабудавання Арцёму Савачку.
Трэнер-прадстаўнік каманды - дацэнт кафедры спартыўных дысцыплін, Сяргей Антонавіч Кесель.
