Сярод спартсменаў больш за 200 студэнтаў з розных рэгіёнаў Беларусі і Расіі. Нашу краіну на спартакіядзе прадставілі каманды з васьмі ВНУ, у тым ліку з Гарадзенскага дзяржаўнага ўніверсітэта імя Янкі Купалы. На працягу пяці дзён спартсмены спаборнічалі ў валейболе, настольным тэнісе і баскетболе 3х3.
На цырымоніі адкрыцця спартакіяды, якая адбылася 3 кастрычніка ў віцебскім ЦСК, прысутнічалі афіцыйныя асобы Саюзнай дзяржавы, у прыватнасці начальнік дэпартамента сацыяльнай палітыкі і інфармацыйнага забеспячэння Пастаяннага камітэта Саюзнай дзяржавы Маргарыта Паўлаўна Леўчанка.
Ад імя Міністра спорту і турызму Рэспублікі Беларусь Аляксандра Ігаравіча Шамко спартсменаў павітаў намеснік начальніка ўпраўлення фізічнай культуры і спорту Міністэрства спорту і турызму Рэспублікі Беларусь Васілій Фёдаравіч Касач.
- Правядзенне мерапрыемства такога высокага ўзроўню спрыяе ўмацаванню сяброўскіх сувязяў паміж моладдзю Беларусі і Расіі, далейшаму развіццю фізкультурна-спартыўнага руху, прапагандзе здаровага ладу жыцця, - адзначыў В.Ф. Касач.
Затым адбыліся першыя матчавыя сустрэчы паміж студэнтамі расійскіх і беларускіх ВНУ.
Па выніках спартакіяды каманда валейбалістак ГрДУ імя Янкі Купалы пад кіраўніцтвам трэнера - старшага выкладчыка кафедры фізічнага выхавання і спорту факультэта фізічнай культуры Станіслава Тадэвушавіча Лісоўскага - атрымала перамогу.
Каманда валейбалістаў купалаўскага ўніверсітэта стала на спаборніцтвах чацвёртай, а ў спаборніцтвах па настольным тэнісе і баскетболе 3х3 спартсмены нашай альма-матэр занялі шостае месца.