З 23 па 25 чэрвеня ў Гродне праходзіў чэмпіянат Беларусі па лёгкай атлетыцы. У склад каманды Гродзенскай вобласці ўвайшлі 9 студэнтаў і аспірант ГрДУ імя Янкі Купалы.Тры прадстаўнікі нашага ўніверсітэта па выніках чэмпіянату заваявалі ліцэнзіі на Алімпійскія гульні 2016 у Рыа-дэ-Жанейра. Так, аспірант факультэта фізічнай культуры ГрДУ імя Янкі Купалы Іван Ціхан заняў першае месца ў спаборніцтвах па кіданні молата, паказаўшы другі вынік сезона ў свеце - 80,04 м. Яшчэ адным удзельнікам Алімпіяды стане студэнт факультэта фізічнай культуры Павел Барэйша, які таксама выступаў у спаборніцтвах па кіданні молата і стаў другім. Паедзе ў Рыа-дэ-Жанейра і студэнтка факультэта фізічнай культуры Алена Собалева, якая заняла другое месца ў спаборніцтвах па кіданні молата.
Астатнія прадстаўнікі ГрДУ імя Янкі Купалы таксама падымаліся на п'едэстал чэмпіянату. Так, студэнт факультэта фізічнай культуры Ян Злома заваяваў «золата» адразу ў двух відах спаборніцтваў - у бегу на 800 м і ў эстафеце 4 × 400 м. Першае месца па скачках у вышыню заняў студэнт факультэта фізічнай культуры Андрэй Скабейка. Студэнтка факультэта фізічнай культуры Вікторыя Кушнір стала трэцяй у бегу на 1500 м. Таксама Вікторыя разам са студэнткай факультэта фізічнай культуры Аляксандрай Хільмановіч ў складзе каманды Гродзенскай вобласці занялі 2 месца ў эстафеце 4 × 400 м. На трэцюю прыступку п'едэстала ў спаборніцтвах па спартыўнай хадзе на 20 км паднялася студэнтка факультэта фізічнай культуры Анастасія Рароўская.
Па выніках каманднага заліку каманда Гродзенскай вобласці, у якую таксама ўвайшлі студэнт факультэта фізічнай культуры Аляксандр Казлоўскі і студэнтка факультэта матэматыкі і інфарматыкі Кацярына Лабанава, заняла другое агульнакаманднае месца. Пераможцам чэмпіянату стала каманда Брэсцкай вобласці, трэцімі - прадстаўнікі Магілёўскай вобласці.
- Аспирант факультета физической культуры ГрГУ имени Янки Купалы Иван Тихон занял 1 место в соревнованиях по метанию молота, показав второй результат сезона в мире
- Студент факультета физической культуры Павел Борейша выступал в соревнованиях по метанию молота и занял 2 место
- Студентка факультета физической культуры Елена Соболева заняла 2 место в соревнованиях по метанию молота
- Студент факультета физической культуры Ян Слома (в центре) завоевал «золото» сразу в двух видах соревнований – в беге на 800 м и в эстафете 4×400 м
- Студент факультета физической культуры Андрей Скобейко занял 1 место в соревнованиях по прыжкам в высоту
- Студентка факультета физической культуры Виктория Кушнир стала третьей в беге на 1500 м
- Студентки факультета физической культуры Виктория Кушнир (первая слева) и Александра Хильманович (третья слева) в составе команды Гродненской области заняли 2 место в эстафете 4×400 м
- Студентка факультета физической культуры Анастасия Раровская стала второй в соревнованиях по спортивной ходьбе на 20 км