Заключны тур спаборніцтва прайшоў на факультэце матэматыкі і інфарматыкі ГрДУ імя Янкі Купалы 5 красавіка 2016 года. Яго ўдзельнікамі сталі 20 навучэнцаў і выпускнікоў школ, гімназій, ліцэяў і каледжаў з Гродзенскай і Брэсцкай абласцей, якія атрымалі перамогу ў дыстанцыйным туры алімпіяды.Удзельнікам былі прапанаваны шэсць заданняў па матэматыцы ў рамках школьнай праграмы, на рашэнне якіх давалася дзве гадзіны.
Кампетэнтнае журы, у склад якога ўвайшлі выкладчыкі кафедры матэматычнага аналізу, дыферэнцыяльных ураўненняў і алгебры, вызначыла пераможцаў турніру.
Дыплом I ступені заваяваў вучань гімназіі № 2 г. Навагрудак Аляксандр Кузьміч.
Дыпломаў II ступені ўдастоены вучаніца СШ № 8 г. Слонім Аліна Пархоменка, вучаніца СШ № 2 імя М.П. Масонава г. Свіслач Анастасія Арол і вучаніца СШ № 9 г. Слонім Дар'я Пятрова.
Дыпломы III ступені былі ўручаны вучню Астрынскай сярэдняй школы Аляксандру Былеўскаму, вучню ліцэя №1 г. Гродна Канстанціну Мардвінцаву, вучаніцы гімназіі №7 г. Гродна Дар'і Палуйчык і вучню ліцэя № 1 імя А.С. Пушкіна г. Брэст Ягору Рагуліну.
Напрыканцы мерапрыемства дэкан факультэта матэматыкі і інфарматыкі Алена Мікалаеўна Лівак ўручыла ўсім сертыфікаты ўдзельнікаў заключнага тура алімпіяды.
Пасля алімпіяды намеснік дэкана Таццяна Мікалаеўна Сінякова правяла для рабят экскурсію па галоўнаму корпуса ВНУ і пазнаёміла са спецыяльнасцямі, па якіх праходзіць навучанне на факультэце матэматыкі і інфарматыкі. Акрамя таго, адбыліся сустрэчы з прафесарамі і загадчыкамі кафедраў факультэта - дактарамі фізіка-матэматычных навук Яўгенам Аляксеевічам Роўба і Міхаілам Аляксеевічам Маталыцкім.
З усімі навінамі факультэта матэматыкі і інфарматыкі можна азнаёміццатут.
