Трэці этап XIV дыстанцыйнай алімпіяды па матэматыцы Школы дакладных навук сярод вучняў 4-8 класаў прайшоў з 21 па 23 сакавіка на базе факультэта матэматыкі і інфарматыкі ГрДУ імя Янкі Купалы. Удзел у алімпіядзе прынялі 1600 школьнікаў з усёй Беларусі.З 1600 школьнікаў 493 - навучэнцы 4 класа, 319 - 5 класа, 310 - 6 класа, 251 - 7 класа і 227 - 8 класа.
Больш за ўсё ўдзельнікаў вучацца ў школах і гімназіях Мінска і Гродна. Таксама актыўны ўдзел у алімпіядзе прынялі навучэнцы ўстаноў адукацыі Гродзенскай, Віцебскай і Брэсцкай абласцей.
У ГрДУ імя Янкі Купалы дыстанцыйная алімпіяда па матэматыцы праводзіцца з сакавіка 2011 года. Форма правядзення дыстанцыйнай алімпіяды простая. Вучням кожнага класа прапануецца 10/12 задач трох розных узроўняў.
Каардынатар алімпіяды - начальнік Цэнтра развіцця кар'еры, дацэнт кафедры матэматычнага аналізу, дыферэнцыяльных ураўненняў і алгебры факультэта матэматыкі і інфарматыкі Ірына Карлюкова.
Разбор заданняў 3 этапы XIII Дыстанцыйнай алімпіяды 30 сакавіка 2024 года ў 12:00 для навучэнцаў 4-6 класаў і ў 13:15 для навучэнцаў 7-8 класаў у фармаце вебінара на платформе Zoom.
XXIV вочная алімпіяда Школы дакладных навук па матэматыцы сярод вучняў 4-9 класаў пройдзе 28 красавіка 2024 года ў 10:00 у галоўным корпусе Купалаўскага ўніверсітэта.
Падрабязная інфармацыя на сайце.