У першыя дні працы прыёмнай камісіі традыцыйна найбольш актыўна падаюць дакументы для паступлення ў Купалаўскі ўніверсітэт абітурыенты, якія прайшлі навучанне ў профільных класах педагагічнай і спартыўна-педагагічнай накіраванасці. Дзеці пры паступленні на педагагічныя спецыяльнасці маюць магчымасць стаць студэнтамі без уступных іспытаў пры наяўнасці ў дакуменце аб адукацыі адзнак не ніжэйшых за 7 (сем) балаў па ўсіх вучэбных прадметах і адзнак не ніжэйшых за 8 (восем) балаў па вучэбных прадметах, адпаведных прадметах профільных іспытаў. Гэтыя абітурыенты паступаюць па выніках субяседвання, якое адбудзецца ўжо 21 ліпеня. Нагадваем, што абавязковай з'яўляецца наяўнасць рэкамендацыі педагагічнага савета ўстановы адукацыі.

Выпускнікі профільных класаў педагагічнай і спартыўна-педагагічнай накіраванасці могуць паступіць па выніках субяседвання на наступныя 12 спецыяльнасцей Купалаўскага ўніверсітэта:

6-05-0112-01 Дашкольная адукацыя

6-05-0112-02 Пачатковая адукацыя

6-05-0114-01 Сацыяльна-педагагічная і псіхалагічная адукацыя

6-05-0115-01 Адукацыя ў галіне фізічнай культуры

6-05-0222-01 Гісторыя

6-05-0232-01 Беларуская філалогія

6-05-0232-02 Руская філалогія

6-05-0511-01 Біялогія

6-05-0533-06 Матэматыка

6-05-0533-01 Фізіка

6-05-1012-01 Фізічная культура

7-07-0114-01 Спецыяльная і інклюзіўная адукацыя