Фінал "МЕДЫЯСФЕРЫ" ўжо даўно перастаў быць проста цырымоніяй узнагароджання. У рамках фінальных мерапрыемстваў праходзяць майстар-класы ад спецыялістаў у сферы медыяў, інтэлектуальныя гульні, цікавыя экскурсіі. Фестываль стаў вялікай творчай пляцоўкай, якая штогод аб'ядноўвае крэатыўных рабят.

Звяртаючыся да фіналістаў конкурсу, начальнік галоўнага ўпраўлення ідэалагічнай работы і па справах моладзі Ігар Булаўка адзначыў выключную карысць, якую штогод атрымліваюць удзельнікі маладзёжнага фестывалю.

- Галоўным вынікам гэтага фестывалю, акрамя ўзнагарод, з'яўляюцца новыя знаёмствы, веды і ўпэўненасць у тым, што наша краіна і надалей будзе актыўна развівацца. А залежыць яе развіццё будзе выключна ад вас, маладых і ініцыятыўных рабят. Сёння вы канкурсанты, а заўтра - адказныя асобы, якія займаюць важныя службовыя пасады. Таму, дарагія сябры, поспехаў вам у далейшым развіцці, - сказаў Ігар Булаўка.

Паводле слоў прарэктара па выхаваўчай рабоце ГрДУ імя Янкі Купалы Васіля Сянько, фестываль "Медыясфера" з кожным годам толькі набірае папулярнасць: ён становіцца ўсё лепшым, маштабнейшым, цікавейшым. І, вядома, вялікая заслуга ў гэтым кафедры журналістыкі Купалаўскага ўніверсітэта.

– Хачу выказаць вялікую падзяку ўдзельнікам фестывалю за тое, што адгукнуліся на прапанову ўніверсітэта. Прыемна, што ён збірае моладзь, дазваляе ёй абменьвацца цікавымі праектамі, меркаваннямі, разам абмяркоўваць пытанні агульнай будучыні, - адзначыў Васіль Сянько.

Павіншавала з перамогай юных канкурсантаў загадчыца кафедры журналістыкі ГрДУ імя Янкі Купалы Іна Мінчук і выказала спадзяванне, што ўдзельнікі і арганізатары яшчэ не раз сустрэнуцца не толькі на пляцоўцы фестывалю, але і на самых розных мерапрыемствах, якія праводзіць кафедра і Купалаўскі ўніверсітэт.

Фестываль праводзіўся ў год, аб'яўлены Годам міру і стварэння ў Рэспубліцы Беларусь. У сувязі з гэтым ключавая тэма фестывальных прац – “Мы, беларусы – мірныя людзі, сэрцам адданыя роднай зямлі…”, а тэматычныя напрамкі: гісторыя маёй краіны: “У глыбінях зямлі нашых душ карані...”; дыялог культур і рэлігій: "Пачуцці ў нас адны і тыя ж, і сэрца Чалавека б'ецца ў скурным з нас"; подзвіг народа ў гісторыі Беларусі: «Подзьвіг мы ваш не забудзем і не дапусьцім бяды»; роля моладзі ў лёсе краіны: «На цябе, наша моладзь, надзея беларусаў і роднай зямлі».

Да ўдзелу ў Фестывалі прымаліся працы ў намінацыях "Друкаваныя СМІ", "Электроннае СМІ (ТБ)", "Фотапраект", "Інтэрнэт-праект" (у фарматах блог, лонгрыд, спецыяльны медыпраект), "Камунікацыйны праект".