Праграма дня ў гасцей была насычанай. Знаёмства з Купалаўскім універсітэтам калегі з Полацка пачалі з Навукова-тэхналагічнага парка, дзе для іх правялі экскурсію. Затым прайшлі працоўныя сустрэчы на факультэтах і ў структурных падраздзяленнях універсітэта, дзякуючы якім бакі абмяняліся досведам. Асноўная мэта гэтых сустрэч - пошук перспектыўных сеткавых шляхоў узаемадзеяння вышэйшых навучальных устаноў, накіраваных на ўмацаванне рэгіёнаў нашай краіны. Таксама для гасцей універсітэта правялі аглядную экскурсію па галоўным корпусе ГрДУ імя Янкі Купалы, якая пазнаёміла іх з гісторыяй Купалаўскага ўніверсітэта.

Завяршыўся насычаны дзень дыялогавай пляцоўкай "Аб ролі ўніверсітэта ў рэгіянальнай сістэме развіцця", у рамках якой бакі падпісалі дагавор аб супрацоўніцтве.

У рамках дыялогавай пляцоўкі прадстаўнікі ўніверсітэтаў абмеркавалі вынікі візіту і вылучылі пункты судакранання, якіх аказалася нямала. Абмен досведам цікавы ў самых розных сферах. Вызначана, дадзены працоўны візіт стаў сур'ёзным імпульсам узаемаўзбагачэння ўніверсітэтаў-партнёраў.

У ПДУ імя Еўфрасінні Полацкай і ГрДУ імя Янкі Купалы шмат агульнага, адзначыла рэктар Купалаўскага ўніверсітэта Ірына Кітурка. ВНУ дапамагалі адна адной пры стварэнні новых факультэтаў і заўсёды падтрымлівалі цёплыя сяброўскія адносіны.

- Хачу падзякаваць вам, калегі, за праведзеную сумесную працу. Я спадзяюся, што знаёмства з нашым універсітэтам было для ўсіх вас карысным досведам. Упэўнена, што нас чакае паспяховае і плённае супрацоўніцтва, - звярнулася да ўдзельнікаў дыялогавай пляцоўкі Ірына Кітурка.

Як адзначыў Юрый Раманоўскі, традыцыі ўзаемадзеяння ўніверсітэтаў маюць глыбокія карані. Супрацоўніцтва падтрымліваецца для абмену адукацыйнымі інавацыямі і спосабамі развіцця кампетэнцый.

- Тое, чаго мы дасягнулі цяпер - толькі пачатак маштабнай працы, якую мы працягнем ажыццяўляць сумеснымі намаганнямі, - падкрэсліў Юрый Раманоўскі. - Працуючы разам, несумненна, мы зробім уклад у развіццё рэгіянальнай сістэмы вышэйшай адукацыі.

Падпісаны дагавор аб супрацоўніцтве прадугледжвае сумесную работу ў сферы абмену навуковым і адукацыйным вопытам, арганізацыю сумесных мерапрыемстваў, абмен студэнтамі, магістрантамі, аспірантамі і выкладчыкамі.