У дыстанцыйным туры І Міжнароднай студэнцкай алімпіяды па кірунку «Эканоміка», профіль «Бухгалтарскі ўлік, аналіз і аўдыт» прызавыя месцы заваявалі студэнты 4 курса спецыяльнасці «Фінансы і крэдыт» Купалаўскага ўніверсітэта.Арганізатарам алімпіяды выступіў Інстытут эканомікі Казанскага дзяржаўнага аграрнага ўніверсітэта.
Купалаўцы маюць высокі ўзровень ведаў у галіне бухгалтарскага ўліку, аналізу і аўдыту. Яны прадэманстравалі рацыянальны падыход да вырашэння складаных задач, паказаўшы, што ў сучасным свеце эканомікі неабходны не толькі навыкі падліку лічбаў, але і глыбокае разуменне эканамічных працэсаў і аналітычны склад розуму.
Так, першае месца заваявалі Кацярына Язэпчык, Ангеліна Карачэнка, Дар'я Аляшкевіч, Яна Талочка. Іх цікавасць да эканомікі і імкненне да дасягнення ідэалаў навуковых ведаў сведчаць аб высокіх асобасных якасцях і майстэрстве, якія яны развілі на працягу сваёй вучобы. Трэцяе месца заняла Надзея Выдра. Узнагароджанне прызёраў адбылося 20 снежня на Савеце факультэта эканомікі і кіравання ГрДУ імя Янкі Купалы.
