Інстытут сацыяльных і палітычных навук зусім маладая ўстанова адукацыі. Але, нягледзячы на сваё "юнацтва", актыўна займае пазіцыю на адукацыйным рынку.

Вынікам узаемадзеяння стала падпісанне дамовы аб рэалізацыі сумеснай адукацыйнай праграмы ў сеткавай форме паміж Гродзенскім дзяржаўным універсітэтам імя Янкі Купалы і Інстытутам сацыяльных і палітычных навук. Таксама ў рамках сустрэчы дэканы прэзентавалі адукацыйныя магчымасці юрыдычнага факультэта, факультэта гісторыі камунікацыі і турызму, філалагічнага факультэта, факультэта псіхалогіі, факультэта эканомікі і кіравання, педагагічнага. Таксама начальнік НДЧ Антон Глазеў прэзентаваў навуковы патэнцыял Купалаўскага ўніверсітэта.

У сваю чаргу замежныя калегі расказалі пра ўвесь інстытут, пра яго навуковыя і адукацыйныя магчымасці.

Дагавор заключаны ў мэтах арганізацыі адукацыйнай дзейнасці з улікам патрэб рынку працы, пашырэння доступу навучэнцаў да сучасных адукацыйных рэсурсаў, тэхналогій і сродкаў навучання, прадастаўлення навучэнцам магчымасці фарміравання індывідуальных адукацыйных траекторый, паглыбленасці асваення кампетэнтнасна-арыентаваных модуляў, вучэбных дысцыплін.

У ходзе візіту дэлегацыя замежных калег наведае Навукова-тэхналагічны парк, факультэт псіхалогіі, факультэт эканомікі і кіравання, філалагічны факультэт.

Дарэчы, гэты візіт замежных калег - не першае ўзаемадзеянне бакоў. Так, 29 сакавіка 2023 года Алена Белакоз, начальнік Цэнтра інтэрнацыяналізацыі адукацыі, падчас візіту ва Узбекістан наведала Інстытут сацыяльных і палітычных навук. Менавіта ў час гэтага візіту былі дасягнуты дамоўленасці аб заключэнні дагавора аб міжнародным супрацоўніцтве і аб магчымасці рэалізацыі сумесных адукацыйных праграм.

28 красавіка 2023 года адбылася онлайн сустрэча кіраўніцтва Гродзенскага дзяржаўнага ўніверсітэта імя Янкі Купалы і Інстытута сацыяльных і палітычных навук, у рамках якой быў падпісаны Дагавор аб супрацоўніцтве.