Аказвае кансультатыўную, арганізацыйную і інфармацыйную падтрымку ў рэалізацыі ўласных ідэй і праектаў.

ЦЭНТР студэнцкіх ініцыятыў - гэта магчымасць ...

• рэалізаваць свае ідэі і праекты;
• навучыцца афармляць праектныя прапановы і ініцыятывы;
• знайсці аднадумцаў, гатовых далучыцца да падрыхтоўкі і рэалізацыі Вашых праектаў;
• атрымаць кансультацыю спецыялістаў па пытаннях падрыхтоўкі і рэалізацыі індывідуальных і групавых праектаў.

ЦЭНТР студэнцкіх ініцыятыў заўсёды адкрыты для новых ідэй і праектаў.

У дзейнасці Цэнтра можа прыняць удзел кожны студэнт універсітэта, які зацікаўлены ў рэалізацыі як уласнай ініцыятывы (ідэі, праекта), так і ініцыятывы іншых студэнтаў зыходзячы з уласных патрэбаў.

Калі ВЫ

• актыўныя,
• ініцыятыўныя,
• крэатыўныя,
• поўныя новых ідэй

чакаем ВАС:

адрас: вул. Ажэшкі, 22, каб. 224,

тэл: (0152) 73-19-86.

Рэалізуй праект сваёй мары!

Палажэнне аб Цэнтры студэнцкiх iнiцыятыў

План работы Цэнтра студэнцкіх ініцыятыў

Спіс удзельнікаў Цэнтра студэнцкіх ініцыятыў

НАШЫ МЕРАПРЫЕМСТВЫ

Напярэдадні Дня настаўніка цэнтр студэнцкіх ініцыятыў спяшаецца павіншаваць паважаных выкладчыкаў і ад усяго сэрца пажадаць прафесійных поспехаў і росту, цярпення, паслухмяных студэнтаў, якія цягнуцца да ведаў.

Вядома ж, жадаем простага чалавечага шчасця, поспеху і любові. Хай усё ваша жыццё будзе складвацца выключна па вашым сцэнары.

Яшчэ раз з прафесійным святам Вас!

Актыў цэнтра студэнцкіх ініцыятыў запусціў акцыю  «Мы - настаўнікам...» і сабраў для вас самыя цёплыя і шчырыя пажаданні і словы падзякі ад вашых студэнтаў, якімі мы дзяліліся з вамі на працягу ўсіх выхадных.

 Фотаконкурс сярод купалаўцаў прайшоў напярэдадні Міжнароднага дня студэнта.

Фотаконкурс, ініцыяваны Цэнтрам студэнцкіх ініцыятыў, правялі ў Купалаўскім універсітэце напярэдадні галоўнага студэнцкага свята: Дзень студэнта штогод адзначаюць 17 лістапада.

Для ўдзелу ў фотаконкурсе неабходна было дасылаць адно фота, звязанае з тэмай студэнцтва. Гэта можа быць любы момант жыцця купалаўца: любімыя месцы нашага ўніверсітэта - інтэрнаты, навучальныя карпусы, сталовая, спартыўныя залы, выкладчыкі, шчаслівыя ўсмешкі сяброў, аднакурснікаў і свае ўласныя, і многае іншае! Галоўная ўмова - на фота павінен быць удзельнік конкурсу. Дасланыя працы былі размешчаны на сайце ўніверсітэта, дзе ўсе жадаючыя змаглі прагаласаваць за ўпадабаныя фатаграфіі. 17 лістапада, у Міжнародны дзень студэнта, узнагародзілі пераможцаў фотаконкурсу.

1 месца - студэнт 5 курса факультэта гісторыі, камунікацыі і турызму Артур Барташ (139 галасоў).

2 месца - студэнт 1 курса факультэта эканомікі і кіравання Багдан Снытко (89 галасоў).

3 месца заняла студэнтка 2 курса юрыдычнага факультэта Вера Мартынава (85 галасоў).

Віншуем пераможцаў конкурса!

У Купалаўскім універсітэце падвялі вынікі конкурсу, прысвечанага 75-годдзю Вялікай Перамогі.

Конкурс фотаработ «У памяці захаваем» праходзіў у Гродзенскім дзяржаўным універсітэце імя Янкі Купалы ў перыяд з 12 мая па 1 лістапада. Арганізатарамі выступілі Цэнтр студэнцкіх ініцыятыў ГрДУ імя Янкі Купалы і аддзел падтрымкі і рэалізацыі маладзёжных праектаў і ініцыятыў упраўлення выхаваўчай работы з моладдзю Купалаўскага ўніверсітэта. Конкурс праводзіўся з мэтай раскрыцця творчага патэнцыялу студэнтаў, захавання памяці аб удзельніках Вялікай Айчыннай вайны, прыцягнення ўвагі моладзі да жыцця ветэранаў, выхавання паважлівага стаўлення да гераічнага мінулага свайго народа, фарміравання ў студэнцкай моладзі нацыянальнай і грамадзянска-патрыятычнай самасвядомасці.

Пераможцы вызначаліся ў катэгорыях «Фатограф-аматар» і «Фатограф-прафесіянал». Журы ацэньвала арыгінальнасць ідэі, глыбіню прапрацоўкі тэмы аўтарам, а таксама якасць тэхнічнага выканання. Дыпломамі першай ступені ўзнагароджаны студэнткі 1 курса факультэта гісторыі, камунікацыі і турызму Антаніна Літвінава і Валерыя Ясімчык, другое месца - у іх аднакурсніц Анастасіі Андросік і Ганны-Валерыі Бурван і трэцяе месца - у студэнта-першакурсніка факультэта матэматыкі і інфарматыкі Арцемія Іскрава.

Цэнтр студэнцкіх ініцыятыў правёў акцыю «Для мамы з любоўю!»

Віншавальныя паштоўкі ў фармаце А4 удзельнікі павінны накіроўваць на электронную пошту цэнтра. Усе дасланыя работы былі раздрукаваныя і размешчаны 14 кастрычніка, у Дзень маці, у фае галоўнага корпуса Купалаўскага ўніверсітэта. Пасля закрыцця экспазіцыі аўтары змаглі забраць свае паштоўкі і падарыць іх мамам.

Цэнтр студэнцкіх ініцыятыў заклікае, такім чынам, не толькі прызнацца ў каханні самаму блізкаму і роднаму чалавеку - сваёй маме, але і зрабіць гэта крэатыўна. Выстава аўтарскіх віншавальных паштовак, якая працавала ва ўніверсітэце ў Дзень маці, нагадала кожнаму пра ролю ў жыцці чалавека мамы - кахаючай, клапатлівай, добрай і пяшчотнай!

У ГрДУ імя Янкі Купалы абралі лепшы сацыяльны моладзевы праект.

На конкурс было прадстаўлена 5 праектаў рознай сацыяльнай накіраванасці ад студэнтаў юрыдычнага і педагагічнага факультэтаў, а таксама факультэта псіхілогіі. Сярод іх праекты з ідэямі новых заканадаўчых ініцыятыў, праекты, звязаныя са стварэннем карыснага відэакантэнту для студэнтаў у сетцы інтэрнэт, прафарыентацыйныя праекты, а таксама праекты, якія тычацца сацыяльнай рэабілітацыі і адаптацыі дзяцей, якія маюць расстройствы аутыстычнага спектру.

Па выніках конкурсу дыпломам I ступені ўзнагароджаны аўтарскі калектыў праекта «РОС-СВЯТЛО», над якім працавалі студэнты педагагічнага факультэта Таццяна Шчэрбач, Яўгенія Ральчэня, Валерыя Літвіненкава. Мэта праекта - сацыяльная рэабілітацыя і адаптацыя дзяцей, якія маюць расстройствы аутыстычнага спектру пры дапамозе прымянення музычнай тэрапіі. Дыпломам II ступені прысуджаны аўтарскаму калектыву праекта «Свядомы крок» студэнтаў факультэта псіхалогіі Лідзіі Зурабавай і Кацярыны Кяжун. Дзяўчыны прапануюць фармаваць у абітурыентаў устойлівую прафесійную накіраванасць праз дзейнасць валанцёрскага прафарыентацыйнага атрада "Пэрспэктыва".

Дыпломам III ступені ўзнагароджана студэнтка юрыдычнага факультэта Марыя Сушко за праект «Есці, каб жыць», у якім аўтары прапанавалі на заканадаўчым узроўні забараніць выкід прадуктаў і іх рацыянальнае пераразмеркаванне з улікам патрэбаў грамадства. Усім, хто прадставіў свой праект на конкурс, былі ўручаны дыпломы ўдзельнікаў і памятныя прызы ад прафсаюзнага камітэта студэнтаў універсітэта і першаснай арганізацыі ГА «БРСМ» ГрДУ імя Янкі Купалы.

17 снежня 2019 года цэнтр студэнцкіх ініцыятыў правёў мітап "Insta-брэнд, ці як стварыць сябе".

Спікерам выступіў заснавальнік першай маркетынгавай кухні - Сяргей Вялічка. ⠀

Сустрэча прайшла ў прыемнай атмасферы, усе атрымалі зарад энергіі і натхнення. ⠀

Мітап скончыўся. Матывацыя засталася. Брэнд развіваецца. Сваімі ўражаннямі аб мітапе падзялілася студэнтка факультэта гісторыі, камунікацыі і турызму Дыяна Сцяпанава: Трэнінг, які правёў Сяргей Вялічка, адказаў на вялікую колькасць пытанняў датычна стварэння брэнда. За час занятку я правяла наймагутнейшы самааналіз сваіх дзеянняў, мыслення і пры гэтым выняла масу ўрокаў. Жыццё значна прасцей, чым мы яго выдумляем і ўсё ў ім прыбывае ў руху, таму выконваючы вызначаныя законы, якія асвойваць у працэсе трэнінгу, набліжаешся і дасягаеш пастаўленых мэтаў.

06.12.2018 – сход удзельнікаў цэнтра студэнцкіх ініцыятыў

29.03.2018 - конкурс моладзевых праектаў ва ўніверсітэце

23.03.2018 - трэнінг на камандаутварэнне для ўдзельнікаў цэнтра студэнцкіх ініцыятыў

2017/11/19 - удзел у абласным этапе рэспубліканскага маладзёжнага конкурсу «100 ідэй для Беларусі».

Праект «Энергаэфектыўныя крапяжы» калектыву навукоўцаў Гродзенскага дзяржаўнага ўніверсітэта імя Янкі Купалы прызнаны пераможцам абласнога этапа конкурсу рэспубліканскага конкурсу «100 ідэй для Беларусі».

Праект прадставілі студэнт факультэта інавацыйных тэхналогій машынабудавання Максім Пуроўскі і старшы выкладчык кафедры матэрыялазнаўства і рэсурсазберагальных тэхналогій Аляксандр Антонаў. Суаўтарам ідэі «Энергаэфектыўныя крапяжы» з'яўляецца загадчык кафедры Аляксандр Варанцоў.

У рамках праекта прадбачылася вытворчасць палімернага будаўнічага цвіка з высокімі эксплуатацыйнымі характарыстыкамі, у тым ліку і з другаснай сыравіны. Пробная партыя вырабаў ужо была праведзена на адным з гродзенскіх прадпрыемстваў. Распрацаванае ў рамках праекта выраб - будаўнічы цвік валодае шэрагам пераваг. У адрозненне ад металічных аналагаў такі крапёж памяншае цепластраты ў будынках. Распрацоўка не мае аналагаў у беларускай вытворчасці, не саступае па сваіх якасных характарыстыках аналагічным вырабам, вырабленым за мяжой, і каштуе на 30% танней. Да таго ж можа мець розныя формы і дадатковыя крапёжныя элементы.

Яшчэ адзін прадстаўлены на конкурс праект - мабільны дадатак для правядзення стылістычнага аналізу малюнкаў, распрацаваны магістрантамі факультэта матэматыкі і інфарматыкі Уладзімірам Басько і Раманам Дзянішчыкам. Дадатак скануе фатаграфіі і іншыя выявы, а затым выводзіць на экран прылады набор характарыстык, якія немагчыма выявіць чалавечым вокам. Дадзеная распрацоўка здольная выступаць у якасці дадатковага інструмента пры правядзенні рознага роду экспертных ацэнак, напрыклад, карцін. Праект можа знайсці сваё шырокае прымяненне не толькі ў галіне культуры, мастацтва і адукацыі, але таксама і ў прамысловай сферы. Мяркуецца, што распрацоўку можна выкарыстаць пры выяўленні браку на вытворчасці: пры адпаведнай наладзе дадатак здольны аналізаваць і выяўляць няякасныя вырабы.

02.11.2017 – удзел у занальным этапе рэспубліканскага маладзёжнага конкурсу «100 ідэй для Беларусі».

Праект студэнта факультэта інавацыйных тэхналогій машынабудавання ГрДУ імя Янкі Купалы ў ліку пераможцаў занальнага этапа рэспубліканскага маладзёжнага конкурсу «100 ідэй для Беларусі»

На дадзеным этапе моладзь Гродна, Гродзенскага раёна і Скідзеля прадставіла больш за дваццаць інавацыйных распрацовак.

Прадстаўнікі ГрДУ імя Янкі Купалы прадставіў пяць праектаў. Старшы выкладчык кафедры матэрыялазнаўства і рэсурсазберагальных тэхналогій Аляксандр Антонаў і магістрантка факультэта інавацыйных тэхналогій машынабудавання Ганна Бераснева прадставілі праект па распрацоўцы эфектыўнай сістэмы мер прафілактыкі ДТЗ на аснове тэхнічнага і нарматыўна-прававога забеспячэння бяспекі дарожнага руху.

Сутнасць праекта складаецца з распрацоўкі новых тэхнічных рашэнняў для транспартных камунікацый, дарог. Напрыклад, стварэння новых, больш бяспечных скрыжаванняў. Гэта дазволіць знізіць ва ўдзельнікаў дарожнага руху перадумовы здзяйснення ДТЗ.

Праект факультэта інавацыйных тэхналогій машынабудавання «Энергаэфектыўныя крапяжы» прадставілі студэнт Максім Пуроўскі, загадчык кафедры матэрыялазнаўства і рэсурсазберагальных тэхналогій Аляксандр Варанцоў і старшы выкладчык кафедры Аляксандр Антонаў. Ідэя складаецца ў вытворчасці так званага палімернага цвіка з высокімі эксплуатацыйнымі характарыстыкамі і яго шырокім ужыванні ў будаўніцтве. Распрацоўка такога прадукту паменшыць цепластраты, якія ўзнікаюць пры выкарыстанні металічных крапёжных элементаў, і скароціць імпарт замежных аналагаў. Па выніках занальнага этапа праект стаў лепшым у намінацыі «Аграпрамысловыя тэхналогіі».

Тры праекты на конкурс прадставілі магістранты факультэта матэматыкі інфарматыкі.

Так, Уладзімір Басько і Раман Дзянішчык распрацавалі мабільны дадатіак  для правядзення стылістычнага аналізу малюнкаў. Дадатак скануе малюнка, а затым выводзіць на экран прылады набор характарыстык, якія немагчыма выявіць чалавечым вокам. Дадзеная распрацоўка здольная выступаць у якасці дадатковага інструмента пры правядзенні рознага роду экспертных ацэнак малюнкаў.

Малюнак скануецца з дапамогай матэматычных алгарытмаў. Выяўляе каляровыя залежнасці і выкарыстоўвае  геаметрычныя формы, загружае вынікі аналізу на выдаленае сховішча і стварае агульнадаступныя базы прааналізаваных аб'ектаў, вырабляе параўнальны аналіз двух і больш элементаў.

Яшчэ адну тэхнічную навінку прапануюць Віталь Занеўскі і Ірына Хілюта. Магістранты стварылі інтэрнэт-партал для правядзення інтэлектуальных гульняў. Такім чынам рабяты хочуць даць людзям магчымасць спаборнічаць з сябрамі ў любы зручны час.

Сістэму захоўвання і апрацоўкі дадзеных прамысловых узораў будаўнічых матэрыялаў распрацавалі Аляксандр Кузняцоў і Вячаслаў Варановіч. Праект дапаможа навукоўцам зручна прадстаўляць атрыманыя ў ходзе доследаў і даследаванняў дадзеныя аб узорах будаўнічых матэрыялаў у сетцы Інтэрнэт, а затым прасоўваць вынікі гэтых даследаванняў.

30.03.2017 – конкурс маладзёжных праектаў ва ўніверсітэце

 18.11.2016 – конкурс прэзентацый ідэй у сферы сацыяльнага прадпрымальніцтва «Рухай справу»

16.11.2016 – майстар-клас «Прасоўванне ідэі або деловая прэзентацыя»

15.11.2016 – майстар-клас «Тэхналогіі стварэння ідэй»

14.04.2016 – 15.04.2016 –удзел у першай міжнароднай выставе-прэзентацыі «100 ідэй для СНД» (г. Мінск)

Праект «Зялёная паркоўка, аўтар - Ярмоленка Міхаіл, студэнт 5 курса факультэта інавацыйных тэхналогій машынабудавання

31.03 2016 – конкурс маладзёжных праектаў

11.02.2016 –удзел у конкурсе на лепшы прафсаюзны моладзевы праект.

Па выніках конкурсу 2 праекты ўніверсітэта сталі пераможцамі конкурсу: праект «Настаўнік - NEW» (аўтар - Таццяна Ільютчык, студэнтка 4 курса педагагічнага факультэта), праект «Беларусь хлебасольная» (аўтар - Юлія Сільвановіч, студэнтка 4 курса юрыдычнага факультэта).