Фестываль «АРТ-вакацыі - 2024» прысвечаны 80-й гадавіне вызвалення Рэспублікі Беларусь ад нямецка-фашысцкіх захопнікаў і Перамогі савецкага народа ў Вялікай Айчыннай вайне.З 26 лютага па 1 сакавіка 2024 года ў Купалаўскім універсітэце пройдуць адборачныя мерапрыемствы Рэспубліканскага фестывалю мастацкай творчасці навучэнскай і студэнцкай моладзі «АРТ-вакацыі».
Дэвізам рэспубліканскага фестывалю мастацкай творчасці навучэнскай і студэнцкай моладзі сёлета стала фраза «Моладзь і час: подзвіг у імя будучыні».
Таленавітыя студэнты і калектывы ўніверсітэта прадэманструюць сваё майстэрства ў рамках правядзення арт-марафонаў, творчых пляцовак, канцэртных праграм. Лепшыя мастацкія калектывы і індывідуальныя выканаўцы творчых жанраў стануць удзельнікамі рэспубліканскага этапа «АРТ-вакацый», які пройдзе ў маі 2024 года.
У рамках рэспубліканскага фестывалю рэалізуюцца творчыя праекты: рэспубліканскі агляд-конкурс мастацкіх калектываў і індывідуальных выканаўцаў; інтэрактыўны праект «Рэцытацыя К. Цвіркі»; конкурс літаратурнай творчасці студэнтаў «Аўтограф»; конкурс сучаснай лічбавай творчасці «Арт-партал».
Арганізатарам рэспубліканскага фестывалю мастацкай творчасці «АРТ-вакацыі» выступае ўстанова адукацыі «Нацыянальны цэнтр мастацкай творчасці дзяцей і моладзі» Міністэрства адукацыі Рэспублікі Беларусь.