Каардынатар работы з інжынернымі класамі Ірына Гаўрылава азнаёміла навучэнцаў з інжынернымі спецыяльнасцямі і кафедрамі факультэта. Школьнікі прынялі ўдзел у майстар-класе па робататэхніцы. Пад кіраўніцтвам старшага выкладчыка кафедры электратэхнікі і электронікі Андрэя Самародава выканалі простыя задачы кіравання працай калабаратыўнага робата-маніпулятара. Наведалі навучальныя лабараторыі па дысцыплінах «Электратэхніка і электроніка», «Электрычнае асвятленне», «Рэлейная абарона і аўтаматыка», «Электрычныя машыны», «Тэхнічная тэрмадынаміка».

Інжынеры кафедры электратэхнікі і электронікі Леанід Батура і Маргарыта Карачарская паказалі школьнікам абсталяванне лабараторый, расказалі пра гісторыю стварэння і развіцця трансфарматараў і электрычнага асвятлення. Навучэнцы паглядзелі, як праходзяць навучальныя заняткі ў камп'ютарных класах, пабывалі на лекцыі па дысцыпліне «Механіка», якую праводзіў дацэнт кафедры агульнай фізікі Андрэй Лавыш. Дзеці пагутарылі са студэнтамі 1 і 4 курсаў, даведаліся пра студэнцкае жыццё на факультэце.

Наведванне факультэта стала для дзяцей незабыўным і пазнавальным вопытам, які дапаможа ім прыняць больш абгрунтаваныя рашэнні аб сваёй будучай адукацыі і прафесійнай дзейнасці. Магчымасць убачыць сучасныя тэхналогіі і распрацоўкі ў галіне фізікі і тэхнікі ўжывую натхняе маладое пакаленне на дасягненне новых вышынь у навуковых і інжынерных галінах.