У рамках навучальнага семінара «Лічбавы вучэбна-метадычны комплекс: ад этапа распрацоўкі да моманту актыўнага выкарыстання» ўласныя адукацыйныя рашэнні прадставіла старшы выкладчык кафедры спартыўных дысцыплін Юлія Мазур.

Юлія Уладзіміраўна адной з першых ва ўніверсітэце распрацавала і сертыфікавала ЦУМК па дысцыпліне «Плаванне і методыка выкладання», прадставіла распрацоўку на міжнародным форуме па інфармацыйна-камунікацыйных тэхналогіях TIBO, сёлета заявіла ЦУМК для ўдзелу ў рэспубліканскім конкурсе на лепшае навучальнае і , спорту і турызму.

У сваім выступленні мадэратар семінара падрабязна ахарактарызавала этапы распрацоўкі і ўкаранення ЦУМК у навучальны працэс, раскрыла магчымасці лічбавых інструментаў абноўленай адукацыйнай платформы Moodle, падзялілася метадычнымі прыёмамі арганізацыі заняткаў з выкарыстаннем вучэбна-метадычнага комплексу новага пакалення.

– Лічбавы вучэбна-метадычны комплекс па плаванні па заслугах ацанілі студэнты факультэта фізічнай культуры, якім даводзіцца сумяшчаць навучальны і трэніровачны працэс, – адзначыла Юлія Мазур. – Са з'яўленнем ЦУМК на пярэдні план выходзіць фарміраванне ў студэнтаў здольнасцяў да самастойнага асваення навучальнага матэрыялу, вырашэння практычных задач, пераносу здольнасцей у новыя сітуацыі для вырашэння новых задач.

Падчас дыскусіі ўдзельнікі семінара абмеркавалі магчымасці выкарыстання ЦУМК пры фармаванні прадметных, асобасных і метапрадметных вынікаў навучання.

Наступнае мерапрыемства праекта «Адкрытае навучанне» адбудзецца 7 снежня 2023 года (вул. Ажэшкі, 22, аўд. 218а, пачатак у 15:05). Навучальны семінар «Павышэнне якасці навучання праз кіруемую самастойную працу студэнтаў» правядуць начальнік вучэбна-метадычнага ўпраўлення Марына Калоцэй і загадчык лабараторыі адукацыйных інавацый Алег Каляга.