У рамках святкавання прагучалі цёплыя віншаванні ад рэктара Купалаўскага ўніверсітэта Ірыны Кітурка і дэкана факультэта гісторыі, камунікацыі і турызму Віктара Белазаровіча, якія адзначылі важнасць ролі факультэта ў развіцці адукацыі, навукі і культуры ва ўніверсітэце. Ірына Кітурка выказала словы падзякі ўсім, хто ўнёс свой уклад у дасягненні і поспехі факультэта, і пажадала далейшых творчых дасягненняў і працвітання.

У рамках юбілейнага тыдня факультэта гісторыі, камунікацыі і турызму «ПА-ФІКІТОЎСКІ» купалаўцы прынялі ўдзел у разнастайных мерапрыемствах – акцыя «Добрае сэрца» ад валанцёрскага атрада «эфФІКТаў», майстар-клас па харэаграфіі ад студыі эстраднага мастацтва Ars Longa, майстар-клас тэме «Telegram: спосабы напісання пастоў і іх прасоўванне», інтэлектуальны квіз «#РАЗАМ», майстар-клас па каліграфіі, майстар-клас па фатаграфіі, арт-тэрапія «Фікітаўскія вячоркі» і шмат іншага.

Мерапрыемства прайшло ў атмасферы радасці і энтузіязму. Усе былі незвычайна вясёлыя і непасрэдныя. Госці змаглі атрымаць асалоду ад музычных нумароў, абмяняцца цёплымі ўспамінамі і павіншаваць адзін аднаго з юбілеем любімага факультэта.

Юбілей факультэта гісторыі, камунікацыі і турызму ва ўніверсітэце стаў не толькі святам, але і адлюстраваннем важнай ролі кожнага факультэта ў сучаснай адукацыі і развіцці Купалаўскага ўніверсітэта.