Сёння споўнілася 100 гадоў адной з самых знакавых фігур не толькі вобласці, але і ўсёй краіны! Неверагодную дату адзначае Валянціна Пятроўна Баранава - ветэран Вялікай Айчыннай вайны. Ушаноўвалі гэтую сапраўды вялікую жанчыну ў Доме Тызенгаўза, дзе сабралася мноства людзей! Кіраўніцтва вобласці і гарады, дэпутаты, прадстаўнікі розных арганізацый, у ліку тых, хто прынёс цёплыя віншаванні, былі і купалаўцы.Рэктар Гродзенскага дзяржаўнага ўніверсітэта імя Янкі Купалы Ірына Кітурка і дырэктар Гуманітарнага каледжа Наталля Валковіч павіншавалі Валянціну Пятроўну са 100-гадовым юбілеем. Ветэран унесла вялікі ўклад у гісторыю купалаўцаў, а Гуманітарны каледж ГрДУ імя Янкі Купалы Валянціна Пятроўна называе другім домам. Ветэран шмат гадоў прапрацавала ў яго сценах, тут яе кахаюць і заўсёды памятаюць.
Валянціна Пятроўна не здраджвае сабе - ідэальная выправа, абцас, стыльная сукенка. Яна ў гэты дзень не проста прымала віншаванні. Ветэран шмат успамінала, спявала і танцавала, цёпла дзякавала ўсім за падарункі. Вельмі кранальны сюрпрыз падрыхтавалі купалаўцы. Ірына Кітурка і Наталля Валковіч уручылі Валянціне Пятроўне сямейны партрэт, на якім яна адлюстравана ў маладосці разам з дзецьмі, а таксама памятную кнігу, дзе сабраны важныя падзеі мінулых ста гадоў юбіляра.
Як адзначыла Ірына Кітурка, немагчыма пераацаніць уклад, які ўнесла ў развіццё не толькі вобласці, але і ўсёй краіны Валянціна Пятроўна. Яна, будучы маладзенькай дзяўчынай, прайшла ўсю Вялікую Айчынную вайну і аддавала ўсе сілы за нашу будучыню. А пасля крывавых бітваў яна працягнула працаваць на для людзей і на агульнае дабро, што робіць да гэтага часу.
