З прывітальным словам да ўдзельнікаў сходу звярнуліся рэктар Купалаўскага ўніверсітэта Ірына Кітурка і прарэктар па выхаваўчай рабоце Васіль Сянько.

У ходзе свайго выступлення старшыня пярвічнай арганізацыі Гродзенскага дзяржаўнага ўніверсітэта імя Янкі Купалы грамадскага аб'яднання «Беларускі саюз жанчын» Марына Карпіцкая прадставіла вынікі работы за 2021-2023 гады, вызначыла станоўчыя вынікі і праблемныя пытанні, а таксама вызначыла асноўныя напрамкі работы на бягучы перыяд і перспектыву. У ходзе абмеркавання быў зацверджаны план дзейнасці пярвічнай арганізацыі на 2024 год.

Па выніках адкрытага галасавання аднагалосна пераабрана старшынёй ВА ГрДУ імя Янкі Купалы грамадскага аб'яднання «Беларускі саюз жанчын» дэкан факультэта эканомікі і кіравання Марына Карпіцкая. Віншуем і жадаем поспехаў у рэалізацыі намечаных планаў!

У рамках мерапрыемства адбылося ўзнагароджанне. Ганаровай граматай Гродзенскай абласной арганізацыі ГА «БСЖ» і каштоўнымі падарункамі ўзнагароджаны Ганна Салаўёва, начальнік цэнтра па сувязях з грамадскасцю; Ала Мустафаева, намеснік начальніка планава-эканамічнага аддзела; Святлана Чабуранава, дэкан юрыдычнага факультэта.

Граматай Гродзенскай абласной арганізацыі ГА «БСЖ» і каштоўнымі падарункамі ўзнагароджаны: Алена Бедрэтдзінава, старшы выкладчык кафедры міжнароднага бізнесу і маркетынгу; Ганна Крофта, дацэнт кафедры прыродазнаўчых і лінгвістычных дысцыплін і методык іх выкладання; Галіна Нарушэвіч, старшы выкладчык кафедры фінансаў і бухгалтарскага ўліку; Валерыя Дзевятых студэнтка 4 курса факультэта эканомікі і кіравання і Юлія Тучкоўская, студэнтка 3 курса педагагічнага факультэта.