21-22 мая на базе Гродзенскага дзяржаўнага ўніверсітэта імя Янкі Купалы пройдзе XІ Міжнародная навукова-практычная канферэнцыя: «Лічбавыя тэхналогіі і штучны інтэлект у забеспячэнні інфармацыйна-палітычнай бяспекі дзяржавы: дыскурсы, канцэпты і практыкі». Канферэнцыя будзе прымеркавана да 30-годдзя Усебеларускага народнага сходу.
Удзельнікамі мерапрыемства стануць больш за 100 вучоных з Беларусі, Расіі, Казахстана і Кітая.
У рамках двухдзённай праграмы запланавана правядзенне пленарных і тэматычных пасяджэнняў, вячэрнія сесіі, круглыя сталы і прэзентацыі. Удзельнікі абмяркуюць уплыў цыфравізацыі на развіццё дзяржавы, лічбавыя тэхналогіі і штучны інтэлект у рабоце дзяржавы, ролю Усебеларускага народнага сходу ў забеспячэнні інфармацыйна-палітычнай бяспекі дзяржавы ў кантэксце лічбавай трансфармацыі, а таксама выклікі і пагрозы выкарыстання ШІ-тэхналогій у сферы ваенна-палітычнай бяспекі.
Адначасова з гэтым у межах канферэнцыі адбудуцца дыскусіі па шырокім спектры палітычных пытанняў: ад палітычнай філасофіі і псіхалогіі да параўнальнай паліталогіі, сусветнай палітыкі і парталогіі.
Гродзенскі дзяржаўны ўніверсітэт імя Янкі Купалы