29 красавіка ў Гродзенскім дзяржаўным універсітэце імя Янкі Купалы прайшлі заняткі ў рамках праекта «ШІасяроддзе». На гэты раз удзельнікі асвойвалі тонкасці промпт-інжынерыі. Вядучым заняткаў выступіла дацэнт кафедры агульнай фізікі Святлана Гогалева.
На сустрэчы Святлана Дзмітрыеўна падрабязна расказала пра розныя віды промтаў, спосабы іх складання і тыповыя памылкі, якіх трэба пазбягаць пры ўзаемадзеянні з нейрасеткамі. Асаблівая ўвага была ўдзелена таму, як карэктна ставіць задачы ШІ, каб вынікі адпавядалі чаканням выкладчыкаў.
Заняткі прайшлі ў два этапы. Першая частка - тэарэтычная - была прысвечана ключавым прынцыпам эфектыўнай камунікацыі з моўнымі мадэлямі. У рамках другой - практычнай - часткі ўдзельнікі выконвалі заданні за кампутарамі і вучыліся прымяняць атрыманыя веды на практыцы. Яны тэставалі розныя падыходы да фармулёвак, аналізавалі адказы нейрасеткі і карэктавалі стартавыя запыты.
Серыя навучальных заняткаў праекта «ШІасяроддзе», накіраваных на павышэнне лічбавай пісьменнасці выкладчыкаў Купалаўскага ўніверсітэта, працягнецца 20 мая. На новым занятку старшы выкладчык кафедры рускай філалогіі Алена Сняжко пазнаёміць калег з асабістым вопытам праектавання і ўкаранення ФАС з прымяненнем тэхналогіі штучнага інтэлекту.
Гродзенскі дзяржаўны ўніверсітэт імя Янкі Купалы