Калі ў вас ёсць перадавая стартап-ідэя або дзеючы стартап ці вы распрацоўшчык інавацыйных тэхналогій, у вас ёсць магчымасць прадэманстраваць свой праект і атрымаць дадатковыя інвестыцыі. ААТ "Белаграпрамбанк" запрашае прыняць удзел у штогадовай Рэспубліканскай праграме "Стартап-марафон".
Конкурс праводзіцца для выяўлення перспектыўных прадпрымальніцкіх ідэй, павышэння эканамічнай пісьменнасці, папулярызацыі і акселерацыі суб'ектаў малога і сярэдняга прадпрымальніцтва, стварэння ўмоў для развіцця інавацыйнага прадпрымальніцтва, а таксама для ўмацавання іміджу і брэнда банка, папулярызацыі яго прадуктаў, паслуг і сэрвісаў.
Конкурсная праграма будзе праводзіцца па дзвюх намінацыях: "Паспяховы старт" (для праектаў на стадыі pre-seed/seed) і "Эфектыўны бізнес-стартап" (для праектаў на ранняй стадыі развіцця). Таксама ў кожнай намінацыі праводзяцца спецыяльныя намінацыі для бізнес-праектаў, якімі кіруюць жанчыны - "Лепшая жаночая стартап-ідэя" і "Лепшы жаночы бізнес", адпаведна.
Каб прыняць удзел, неабходна да 26 красавіка запоўніць і адправіць заяўку на электронны адрас: startup@belapb.by і чакаць зваротнай сувязі ад арганізатараў.
Удзельнікаў, якія паспяхова прайшлі першы (адукацыйны этап), чакае фінальны этап (этап акселерацыі), а пасля яго праходжання – этап публічнай абароны бізнес-праектаў (Рэспубліканскі DemoDay).
Маладыя інаватары, якія сталі пераможцамі, атрымаюць гранты на развіццё сваіх ідэй, а таксама спецыяльныя прызы.
Купалаўцы, запрашаем заявіць пра сябе і прадэманстраваць усім свае інавацыйныя ідэі!
Падрабязную інфармацыю аб конкурсе можна знайсці на сайце і ў Палажэнні.
Гродзенскі дзяржаўны ўніверсітэт імя Янкі Купалы