17 красавіка ў 11:00 факультэт эканомікі і кіравання Гродзенскага дзяржаўнага ўніверсітэта імя Янкі Купалы стане пляцоўкай для абмеркавання актуальных пытанняў эканамічнага росту і бізнесу. Тут пройдзе XX Міжнародная навуковая канферэнцыя студэнтаў, магістрантаў і аспірантаў НДРС ФЭУ-2026 «Эканоміка і кіраванне XXI стагоддзя: ад лінейнай мадэлі да цыркулярнай». У мерапрыемстве прымуць удзел не толькі студэнты з Беларусі, але і з краін-суседзяў.
У рамках канферэнцыі будуць функцыянаваць 6 секцыйных пляцовак: «Адаптацыя арганізацый да глабальных выклікаў у кантэксце ўстойлівага развіцця: ад эканамічных тэорый да кіраўніцкіх рашэнняў», «Фінансава-ўліковыя механізмы і крэдытныя інструменты як драйвер якасці і эканамічнага росту», «Матэматычнае мадэляванне і лічбавыя тэхналогіі для кіравання эканамічнымі сістэмамі», «Міжнародны бізнес і маркетынг: інавацыі для цыркулярнага росту», пляцоўка для навучэнцаў сярэдніх школ і каледжаў «Першы крок у навуку» і пляцоўка на англійскай мове «Trends 2026: New architecture for the economy, digitalization and consumer choice». У вочным і анлайн-фармаце на рускай, беларускай і англійскай мовах удзельнікі прадставяць свае даклады на актуальныя тэмы і абмяркуюць іх у рамках жывой дыскусіі.
XX Міжнародная навуковая канферэнцыя студэнтаў, магістрантаў і аспірантаў НДРС ФЭУ-2026 «Эканоміка і кіраванне XXI стагоддзя: ад лінейнай мадэлі да цыркулярнай» стане пляцоўкай для адкрытага дыялогу паміж маладымі даследчыкамі. Тут яны не толькі прадставяць свае даследаванні, але і змогуць устанавіць новыя сяброўскія і дзелавыя кантакты.
Гродзенскі дзяржаўны ўніверсітэт імя Янкі Купалы