Мерапрыемства, у якім прынялі ўдзел студэнты, у тым ліку і замежныя, слухачы і курсанты ВНУ, адбылося 1 красавіка.
У рамках спаборніцтваў удзельнікаў чакалі тры этапы, якія ў поўнай меры раскрылі іх як майстроў публічных выступленняў.
На першым этапе, пад назвай "Візітная картка", канкурсанты падрыхтавалі прэзентацыю пра сябе. На другім этапе - конкурсе імправізаваных выказванняў "Пункт гледжання" - удзельнікі прадэманстравалі свае навыкі імправізацыі. Выцягнуўшы тэму, яны мусілі развіць яе без папярэдняй падрыхтоўкі. Тэмы былі самымі разнастайнымі - ад жыццёвых каштоўнасцяў і сяброўства да выбару жыццёвага шляху. У трэцім этапе, «Выканальніцкі конкурс», канкурсанты мелі вымавіць падрыхтаваную загадзя прамову на тэму «Беларуская жанчына: Мір. Стварэнне. Каханне». Для замежных студэнтаў было іншае заданне - яны павінны былі выступіць з расповедам аб сваёй краіне і яе звычаях.
Па выніках трох конкурсных іспытаў ганаровае першае месца заняў студэнт 1 курса факультэта гісторыі, камунікацыі і турызму Іван Музычка. На другім месцы апынулася студэнтка 1 курса факультэта гісторыі, камунікацыі і турызму Валерыя Каваленка, а трэцяе месца па праве дасталася студэнтцы 3 курса юрыдычнага факультэта Мар'і Марэцкай.
Не менш яркім і натхняльным стала супрацьстаянне замежных удзельнікаў, дзе першае месца заваявала студэнтка 3 курса філалагічнага факультэта Акгазел Іламанава. Уладальніцай другога месца стала студэнтка 1 курса філалагічнага факультэта Мерджэн Нургелдзіева, а замкнуў тройку прызёраў, заняўшы трэцяе месца, студэнт 4 курса юрыдычнага факультэта Алонса Хасэ Сеспендэс Забала.
Гродзенскі дзяржаўны ўніверсітэт імя Янкі Купалы