З 16 па 28 сакавіка студэнты 3 і 4 курсаў спецыяльнасцей «Фундаментальная і прыкладная біятэхналогія» і «Біялогія (біятэхналогія)» Купалаўскага універсітэта бралі ўдзел у рабоце студэнцкага атрада на базе ЗАТ «Беларуская нацыянальная біятэхналагічная карпарацыя».
Беларуская нацыянальная біятэхналагічная карпарацыя – найбуйнейшы ў краінах СНД біятэхналагічны комплекс па вытворчасці незаменных кармавых амінакіслот, камбікармоў і прэміксаў, глютена пшанічнага і шэрагу іншых прадуктаў глыбокай перапрацоўкі збожжа.
У час работы ў рамках студэнцкага атрада купалаўцы азнаёміліся з функцыянаваннем вядучага біятэхналагічнага прадпрыемства нашай краіны, а таксама паглыбілі тэарэтычныя веды і практычныя навыкі. Студэнты былі размеркаваны па вытворчых падраздзяленнях, дзе вывучылі асаблівасці арганізацыі тэхналагічных працэсаў і спецыфіку работы прамысловага абсталявання.
Адмысловая ўвага была нададзена вывучэнню працэсаў мікрабіялагічнага сінтэзу. Удзельнікі атрада пазнаёміліся з асноўнымі этапамі вытворчасці, тэхналагічнымі схемамі, а таксама прынцыпамі работы абсталявання, уключаючы інакулятары, перадферментары і ферментэры. Студэнты наведалі аператарскія памяшканні, дзе ажыццяўляецца кантроль параметраў тэхналагічнага працэсу, і атрымалі ўяўленне аб сістэмах забеспячэння вытворчай бяспекі і якасці.
Важнай часткай работы стаў адукацыйны складальнік: купалаўцы працавалі з профільнай літаратурай, аналізавалі тэхналагічныя схемы і прымалі ўдзел у вырашэнні вытворчых задач пад кіраўніцтвам спецыялістаў прадпрыемства, што дало магчымасць сфарміраваць больш глыбокае разуменне асаблівасцей прамысловай біятэхналогіі і патрабаванняў, што прад'яўляюцца да будучых спецыялістаў галіны.
У ходзе работы студэнты таксама азнаёміліся са структурай прадпрыемства, узаемадзеяннем яго падраздзяленняў і арганізацыяй вытворчага цыкла ў цэлым, што садзейнічае фарміраванню цэласнага ўяўлення аб прафесійнай дзейнасці ў сферы біятэхналогіі.
Па выніках удзелу ў студэнцкім атрадзе купалаўцам былі ўручаны сертыфікаты і памятныя падарункі.
Гродзенскі дзяржаўны ўніверсітэт імя Янкі Купалы