У Мінску адбылася ўрачыстая цырымонія запуску рэспубліканскага праекта «Мінск – маладзёжная сталіца Рэспублікі Беларусь 2026». Удзельнікамі ад Купалаўскага ўніверсітэта сталі Барыс Балахонаў, дацэнт кафедры грамадзянскага права і працэсу, старшыня Савета маладых вучоных і Лаўрэнцій Місуна, студэнт 3 курса юрыдычнага факультэта.
Рэспубліканскі праект «Маладзёжная сталіца» рэалізуецца ў Беларусі пачынаючы з 2016 года. Штогод выбіраецца галоўная пляцоўка краіны для рэалізацыі ініцыятыў, інавацыйных праектаў і разнастайных мерапрыемстваў. У 2026 годзе Маладзёжнай сталіцай Рэспублікі Беларусь стаў горад Мінск.
26 сакавіка ў сталічным Доме моладзі адбылася ўрачыстая цырымонія адкрыцця рэспубліканскага праекта «Мінск – маладзёжная сталіца Рэспублікі Беларусь 2026», пасля чаго ўдзельнікі разам заклалі памятную капсулу на тэрыторыі Маладзёжнага сквера.
Мерапрыемствы, прысвечаныя гэтай падзеі, праходзілі цягам трох дзён, з 26 па 28 сакавіка. За гэты час удзельнікі наведалі тэлекампанію «СТБ» і Прэзідэнцкую бібліятэку; ўшанавалі памяць герояў ля стэлы «Мінск – горад-герой»; паўдзельнічалі ў «Народнай зарадцы» на стадыёне «Дынама» і ў шоў «У рытме сталіцы». Акрамя таго, убачылі сімвал года - Вожыка Мінчонка, знак стварэння і адзінства.
Была арганізавана і праца секцый, на якой удзельнікі маглі абмеркаваць актуальныя пытанні: «Справа маладых: яркі спосаб заявіць пра сябе», «Інфармацыйны контур: новыя сэнсы і лічбавы давер», «Арыенцір – сям'я», «Творы рух!», «Старт кар'еры: практыка і дзеянне», «Права энергія тваёй дапамогі».
У рамках мерапрыемства прайшла размова на роўных са Старшынёй Савета Рэспублікі Нацыянальнага сходу Рэспублікі Беларусь Наталляй Качанавай і старшынёй Палаты прадстаўнікоў Нацыянальнага сходу Рэспублікі Беларусь Ігарам Сяргеенкам у Доме ўрада.
Гродзенскі дзяржаўны ўніверсітэт імя Янкі Купалы