26 сакавіка на базе Маскоўскага міжнароднага ўніверсітэта прайшла II Міжнародная навукова-практычная канферэнцыя «Філалогія будучыні, якую мы ствараем: тэндэнцыі, сэнсы, прыярытэты». Удзельнікамі мерапрыемства сталі выкладчыкі ГрДУ імя Янкі Купалы: загадчык кафедры англійскай філалогіі Анастасія Дудзько, дацэнт кафедры англійскай філалогіі Наталля Леўчанка і старшы выкладчык кафедры англійскай філалогіі Святлана Дашкевіч.
У рамках канферэнцыі адбылося пленарнае пасяджэнне, на якім з дакладам «Лічбавыя тэхналогіі і штучны інтэлект у выкладанні замежнай мовы ў ВНУ: вопыт і вынікі ўкаранення» выступілі загадчык кафедры англійскай філалогіі Анастасія Дудзько, дацэнт кафедры англійскай філалогіі Наталля Леўчанка і старшы выкладчык кафедры англійскай філалогіі Святлана Дашкевіч.
У сваім выступленні выкладчыкі Купалаўскага ўніверсітэта прадставілі вынікі ўкаранення лічбавых інструментаў і тэхналогій штучнага інтэлекту ў адукацыйны працэс, абазначылі ключавыя напрамкі трансфармацыі выкладання замежнай мовы ва ўмовах цыфравізацыі, а таксама падкрэслілі значнасць і ўмовы інтэграцыі інавацыйных падыходаў для павышэння эфектыўнасці навучання і развіцця камунікатыўных кампетэнцый студэнтаў.
Гродзенскі дзяржаўны ўніверсітэт імя Янкі Купалы