27 сакавіка ў Гродзенскім дзяржаўным універсітэце імя Янкі Купалы завяршыўся ўніверсітэцкі грамадзянска-патрыятычны марафон «Разам – за моцную і квітнеючую Беларусь!». Удзельнікамі марафону сталі навучэнцы каледжаў і студэнты ГрДУ імя Янкі Купалы.
Грамадзянска-патрыятычны марафон «Разам – за моцную і квітнеючую Беларусь!» праводзіцца з 2015 года і за гэты час ужо паспеў атрымаць статус міжнароднага і стаць брэндам не толькі Купалаўскага ўніверсітэта, але і сімвалам патрыятызму сярод моладзі.
Спаборніцтвы пачаліся ў лістападзе 2025 года. На працягу некалькіх месяцаў удзельнікі дэманстравалі свае навыкі ў цыклах спаборніцтваў: ад спартовых да інтэлектуальных і творчых.
Па выніках напружаных спаборніцтваў уладальнікам першага месца стала каманда факультэта гісторыі, камунікацыі і турызму. Другое месца заняла каманда Гуманітарнага каледжа ГрДУ імя Янкі Купалы. Трэцяе месца падзялілі каманды інжынернага факультэта і факультэта біялогіі і экалогіі.
Гродзенскі дзяржаўны ўніверсітэт імя Янкі Купалы